ଭୁବନେଶ୍ବର: ମନରେଗା ଦୁର୍ନୀତି ବିରୋଧରେ ସ୍ବର ଉତ୍ତୋଳନ କରୁଥିବା ଦଳିତ ବର୍ଗର ଲୋକଙ୍କ ଉପରେ ଆକ୍ରମଣ ହୋଇଛି । ଏହି ଘଟଣାକୁ ନେଇ ସାମ୍ବାଦିକ ସମ୍ମିଳନୀ କରିଛି ବିଜେପି । ତେବେ ଏହି ଦଳିତ ବର୍ଗଙ୍କ ଉପରେ ହୋଇଥିବା ଆକ୍ରମଣରେ ଆକ୍ରମଣକାରୀ ଶାସକ ଦଳ ବିଜେଡିର ସମର୍ଥକ ବୋଲି ଦଳ କହିଛି ।
ଦଳିତ ବର୍ଗଙ୍କ ଉପରେ ଆକ୍ରମଣ, ଆକ୍ରମଣକାରୀ ବିଜେଡିର ସମର୍ଥକ କହିଲା ବିଜେପି
ଜଗତସିଂହପୁର ଓ କେନ୍ଦ୍ରାପଡା ଜିଲ୍ଲାରେ ଦଳିତ ବର୍ଗର ଲୋକତଙ୍କ ଉପରେ ଆକ୍ରମଣ ହେଉଛି । ଏହି ଆକ୍ରମଣ କରୁଥିବା ଲୋକମାନେ ଶାସକ ଦଳର ସମର୍ଥକ । ତେଣୁ ଏ ସମ୍ପର୍କରେ ପୋଲିସ ନିକଟରେ ଏତଲା ଦେଲା ପରେ ବି କାର୍ଯ୍ୟାନୁଷ୍ଠାନ ହେଉନି । ରାଜ୍ୟରେ ସରକାର ସମ୍ପୂର୍ଣ୍ଣ ଦଳିତ ବିରୋଧୀ । ରାଜ୍ୟରେ ଦଳିତ ବର୍ଗର ଲୋକମାନେ ସୁରକ୍ଷିତ ନାହାନ୍ତି ବୋଲି ବିଜେପି ଅଭିଯୋଗ କରିଛି । ଏଣୁ ଏ ସମ୍ପର୍କରେ ପୋଲିସ ନିକଟରେ ଏତଲା ଦେବା ପରେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନାହିଁ । ପୋଲିସ ଅଧିକାରୀମାନେ ବିଜୁ ଜନତା ଦଳର କର୍ମୀ ଭଳି କାର୍ଯ୍ୟ କରୁଛନ୍ତି ବୋଲି ଦଳ ଅଭିଯୋଗ କରିଛି ।