ଭୁବନେଶ୍ବର: ବିଜେପି ପ୍ରଭାରୀ ସୁନୀଲ ବଂଶଲ ଦାୟିତ୍ବ ପାଇବା ପରେ ପ୍ରଥମ ଥର ପାଇଁ 2 ଦିନିଆ ଓଡିଶା ଗସ୍ତରେ ଆସିଛନ୍ତି । ସୋମବାର ଭୁବନେଶ୍ବରରେ ପହଞ୍ଚିଥିଲେ । ବିମାନବନ୍ଦରରେ ବଂଶଲଙ୍କୁ ରାଜ୍ୟ ଭାଜପା ପକ୍ଷରୁ ବପୁଳ ସ୍ବାଗତ କରାଯାଇଥିଲା । ପ୍ରଭାରୀ ରୂପେ ସନୀଲ ବଂଶଲ ଦଳୀୟ ବୈଠକ ଆରମ୍ଭ କରି ଦେଇଛନ୍ତି । 2024 ନିର୍ବାଚନ ପାଇଁ ପାଗ ଭିଡିବାକୁ ମନ୍ଥର ଆରମ୍ଭ କରିଛି ବିଜେପି । ଆଜି (ମଙ୍ଗଳବାର) ରାଜ୍ୟ କାର୍ଯ୍ୟାଳୟରେ ଜିଲ୍ଲା ସଭାପତି, ପଦାଧିକାରୀଙ୍କ ସମେତ ଅମ୍ୟମାନଙ୍କ ସହ ଦଳର କୋର କମିଟି ବୈଠକ ହୋଇଛି ।
ରାଜ୍ୟ କାର୍ଯ୍ୟାଳୟରେ ବିଜେପିର କୋର୍ କମିଟି ବୈଠକ
ବୈଠକରେ ପ୍ରଭାରୀ ସୁନୀଲ ବଂଶଲ, ରାଜ୍ୟ ସଭାପତି ସମୀର ମହାନ୍ତି, ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ର, ସାଂସଦ ଜୁଏଲ ଓରାମ, ମୋହନ ମାଝୀ, ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡାଙ୍କ ସମେତ ଦଳର ବହୁତ ବରିଷ୍ଠ ନେତା, ପଦାଧିକାରୀ ଉପସ୍ଥିତ ଅଛନ୍ତି । କୋର କମିଟି ବୈଠକ ପରେ ପଦାଧିକାରୀ ବୈଠକ ବସିବ । ଜିଲ୍ଲା ସ୍ତରରେ ଦଳର ଭବିଷ୍ୟତ ରଣନୀତି ପ୍ରସ୍ତୁତ ହେବ ।