ରାଜ୍ୟ କୃଷି ସଚିବଙ୍କ ଉଦ୍ଦେଶ୍ୟରେ ଦାବିପତ୍ର ଦେଲେ ବିଜେପି ବିଧାୟକ ଦଳ

ବର୍ଷ ୨୦୨୧ ଖରିଫ ୠତୁ ପାଇଁ ପ୍ରଧାନମନ୍ତ୍ରୀ ଫସଲ ବୀମା ଯୋଜନାର ସୁଫଳ ୩୦ ଟି ଜିଲ୍ଲାରେ ଅନେକ ହିତାଧିକାରୀ ପାଇ ନାହାଁନ୍ତି । ଏନେଇ ରାଜ୍ୟ ବିଜେପିର ଏକ ୬ ଜଣିଆ ବିଧାୟକ ଟିମ ରାଜ୍ୟ କୃଷି ସଚିବଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରିଛନ୍ତି । ଅଧିକ ପଢନ୍ତୁ

ଭୁବନେଶ୍ବର: ବର୍ଷ ୨୦୨୧ ଖରିଫ ୠତୁ ପାଇଁ ପ୍ରଧାନମନ୍ତ୍ରୀ ଫସଲ ବୀମା ଯୋଜନାର ସୁଫଳ ୩୦ ଟି ଜିଲ୍ଲାରେ ଅନେକ ହିତାଧିକାରୀ ପାଇନାହାଁନ୍ତି । ବିଭିନ୍ନ ବୀମା କମ୍ପାନୀ ମଧ୍ୟ ଚଞ୍ଚକତା କରିଛନ୍ତି ।

ଏଭଳି ସମସ୍ୟାକୁ ନେଇ ରାଜ୍ୟ ବିଜେପିର ଏକ ୬ ଜଣିଆ ବିଧାୟକ ଟିମ ରାଜ୍ୟ କୃଷି ସଚିବଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରିଛନ୍ତି । ଲିଖିତ ଅଭିଯୋଗ ମଧ୍ୟ କରିଛନ୍ତି। ବିଜେପି ବିଧାୟକ ମୁକେଶ ମହାଲିଙ୍ଗଙ୍କ ସୂଚନା ଅନୁସାରେ, ଏନେଇ ବିଧାୟକ ଟିମ ଉଦବେଗ ପ୍ରକାଶ କରିବା ସହିତ ଏଥିରେ ହସ୍ତକ୍ଷେପ କରିବାକୁ ମଧ୍ୟ ଦାବି ରଖିଛି।

ବିଶେଷ କରି ଉଭୟ ରାଜ୍ୟ ଓ କେନ୍ଦ୍ର ସରକାର ଏବାବଦ ଅର୍ଥ ପ୍ରଦାନ କରିସାରିଛି । କିନ୍ତୁ ହିତାଧିକାରୀ ସୁଫଳ ପାଇବାରୁ ବଞ୍ଚିତ। ଉଭୟ ପଶ୍ଚିମ , ଉତ୍ତର ତଥା ଉପକୂଳ ଓଡିଶାର ଚାଷୀ ଏନେଇ ହତାଶରେ ଅଛନ୍ତି । ସେହିଭଳି ନବରଙ୍ଗପୁର ଜିଲ୍ଲାରେ ମକାର ଅଭାବୀ ବିକ୍ରିକୁ ନେଇ ଟିମ ମଧ୍ୟ ପ୍ରତିବାଦ କରିଛି । ତେଣୁ ଚଳିତ ମାସ ଶେଷ ସୁଧା ଏହା ସମ୍ପୂର୍ଣ୍ଣ ନହେଲେ ଏହାର ପ୍ରତିବାଦ କରାଯିବ ବୋଲି ବିଧାୟକ ମୁକେଶ କହିଛନ୍ତି ।

ଇଟିଭି ଭାରତ, ଭୁବନେଶ୍ବର