ଭୁବନେଶ୍ବର: ଯାଜପୁର VLW ସ୍ମିତାରାଣୀ ମୃତ୍ୟୁ ରହସ୍ୟ ନେଇ ବଢୁଛି ଆନ୍ଦୋଳନ । ଏନେଇ ରାଜ୍ୟବ୍ୟାପୀ ଜିଲ୍ଲାପାଳ ଅଫିସ ଘେରାଉ କରିଛି ବିଜେପି । ମଙ୍ଗଳବାର ଭୁବନେଶ୍ବର ଏଡିଏମ ଅଫିସ ଘେରାଉ କରିଥିଲା ବିଜେପି ମହିଳା ମୋର୍ଚ୍ଚା ।
ସିବିଆଇ ତଦନ୍ତ ଦାବି କରି ଘଟଣାର ପର୍ଦ୍ଦାଫାସ କରିବାକୁ ଦାବି ଜଣାଇଛନ୍ତି ବିଜେପି ମହିଳା ମୋର୍ଚ୍ଚା । ନଚେତ ଆଗାମୀ ଦିନରେ ଆନ୍ଦୋଳନ ତୀବ୍ରତର ହେବ ବୋଲି ଚେତାବନୀ ଦେଇଛି ଦଳ।
ଘଟଣାକୁ ନେଇ ମହିଳା କମିଶନ ଓ ଯାଜପୁର ଏସପି ଯେଉଁଭଳି ବୟାନ ଦେଇଛନ୍ତି ତାକୁ ବିରୋଧ କରିଛି ବିଜେପି । ଏନେଇ ସରକାରଙ୍କୁ ସିଧା ଟାର୍ଗେଟ କରିଛନ୍ତି ଦଳର ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତସିଂହାର।
ଏନେଇ ସେ କହିଛନ୍ତି ଯେ, ଶାସକ ବିଜେଡି ଏ ଘଟଣାକୁ ଘଣ୍ଟ ଘୋଡାଉଛି। ଏହି ସନ୍ଦେହ ଜନକ ମୃତ୍ୟୁ ପଛରେ ଆହୁରି ୪ଜଣଙ୍କ ସମ୍ପୃକ୍ତି ରହିଛି। ତୁରନ୍ତ ଏହାର ଖୁଲାସା ପାଇଁ ସିବିଆଇ ତଦନ୍ତ ଦାବି କରିଛନ୍ତି।
ଭୁବନେଶ୍ବରରୁ ତାପସ କୁମାର ପରିଡା, ଇଟିଭି ଭାରତ