ଭୁବନେଶ୍ବର: ନୟାଗଡ଼ ପରୀ ହତ୍ୟାକାଣ୍ଡ ଘଟଣାରେ ଲୋକସେବା ଭବନରେ ଧସେଇ ପସିବାକୁ ଉଦ୍ୟମ କରିଛି ରାଜ୍ୟ ବିଜେପି ମହିଳା ମୋର୍ଚ୍ଚା । ଫଳରେ ଲୋକସେବା ଭବନ ସାମ୍ନାରେ ମହିଳା ମୋର୍ଚ୍ଚା ଓ ପୋଲିସ ମଧ୍ୟରେ ଧସ୍ତାଧସ୍ତି ପରିସ୍ଥିତି ସୃଷ୍ଟି ହୋଇଛି । ବିଜେପି ମହିଳା ମୋର୍ଚ୍ଚା ସଭାନେତ୍ରୀ ସ୍ମୃତି ପଟ୍ଟନାୟକ ନେତୃତ୍ବରେ ମହିଳାକର୍ମୀମାନେ ମୁଖ୍ୟ ଶାସନ ସଚିବ ଓ ଗୃହ ସଚିବଙ୍କୁ ଭେଟିବା ପାଇଁ ଯାଉଥିବାବେଳେ ପୋଲିସ ସେମାନଙ୍କୁ ବାଧା ଦେବାରୁ ଘଟଣାସ୍ଥଳରେ ଧସ୍ତାଧସ୍ତି ପରିସ୍ଥିତି ଦେଖାଦେଇଛି ।
ପରୀ ମାମଲା: ଲୋକସେବା ଭବନ ସମ୍ମୁଖରେ ପୋଲିସ ଓ ବିଜେପି ମହିଳା ମୋର୍ଚ୍ଚା ମୁହାଁମୁହିଁ
ସେଠାରେ ଉପସ୍ଥିତ ପୋଲିସକର୍ମୀ ସେମାନଙ୍କୁ ବାଧା ଦେବା ଫଳରେ ବିଜେପି ମହିଳାକର୍ମୀ ଓ ପୋଲିସ ମଧ୍ୟରେ ଧସ୍ତାଧସ୍ତି ପରିସ୍ଥିତି ସୃଷ୍ଟି ହୋଇଥିଲା । ପୋଲିସ ସମସ୍ତ ମହିଳାକର୍ମୀଙ୍କୁ ପୋଲିସ ଲୋକସେବା ଭବନ ଆଗରୁ ଉଠାଇନେବା ସହ ମାତ୍ର 3 ଜଣ କର୍ମକର୍ତ୍ତାଙ୍କୁ ଲୋକସେବା ଭବନ ଭିତରକୁ ଯିବା ପାଇଁ ଅନୁମତି ଦେଇଥିଲା ।