ଭୁବନେଶ୍ବର:ବାରମ୍ବାର ଉପନିର୍ବାଚନ ହାରିହାରି ଥକି ପଡିଛି ବିଜେପି । ରାଜ୍ୟରେ ପ୍ରାସଙ୍ଗିକତା ହରାଇଛି ଓ ଗଣମାଧ୍ୟମରେ ନିଜର ପ୍ରାସଙ୍ଗିକତା ବଜାୟ ରଖିବାକୁ ବାରମ୍ବାର ମିଛ ଅଭିଯୋଗ କରିବା ଜାରି ରିଖିଛି । ଏମିତି କଡା ଭାଷାରେ ବିଜେପିକୁ ସମାଲୋଚନା କରିଛି ବିଜେଡି । ଆଜି ବିଜେଡି ସାଂସଦ ତଥା ଦଳୀୟ ମୁଖପାତ୍ର ସସ୍ମିତ ପାତ୍ର ପ୍ରେସମିଟ କରି ବିଜେପି ଉପରେ ବର୍ଷିଛନ୍ତି ।
ପୂର୍ବାହ୍ନରେ ରାଜ୍ୟ ବିଜେପି ସଭାପତି ସାମ୍ବାଦିକ ସମ୍ମିଳନୀ କରି ବିଜେଡି ସଭାପତି ନବୀନ ପଟ୍ଟନାୟକଙ୍କୁ 5 ଟି ପ୍ରଶ୍ନ ପଚାରିଥିଲେ । ଏହାର ଜବାବ ରଖିଛନ୍ତି ସସ୍ମିତ । ସସ୍ମିତ କହିଛନ୍ତି, ରାଜ୍ୟ ବିଜେପି ବର୍ତ୍ତମାନ ଉପନିର୍ବାଚନ ହାରାହାରି ହତାଶ ଏବଂ ନିରାଶ ହୋଇପଡିଛି । ତେଣୁ ଗଣମାଧ୍ୟମ ଜରିଆରେ ମିଥ୍ୟା ଓ ଭିତ୍ତିହୀନ ଅଭିଯୋଗ କରି ଚାଲିଛି । ପୂର୍ବରୁ ମଧ୍ୟ ବିଜେପି ୨୦୧୪ ଏବଂ ୨୦୧୯ ନିର୍ବାଚନୀ ସମୟରେ ଏହିଭଳି ଆଚରଣ କରି ସାରିଛି । ଉକ୍ତ ସମୟରେ ବିଜେପି ମଧ୍ୟ ପୁଳା ପୁଳା ଅଭିଯୋଗ ନେଇ ସିଇଓ ଅଫିସକୁ ଦୌଡୁଥିଲା ଓ ପ୍ରେସମିଟ କରୁଥିଲା । ତେଣୁ ଏଥିରେ କିଛି ନୂତନତ୍ବ ନାହିଁ ।