ଭୁବନେଶ୍ବର: ପିପିଲି ଉପନିର୍ବାଚନ ସ୍ଥଗିତ ରଖିବା ପାଇଁ କଂଗ୍ରେସର ଦାବି ଉପରେ ପ୍ରତିକ୍ରୟା ରଖିଛନ୍ତି ବିଜେପି ସାଧାରଣ ସମ୍ପାଦକ ପୃଥ୍ଵୀରାଜ ହରିଚନ୍ଦନ । ଏହା କଂଗ୍ରେସର କେବଳ ଚାଲ ବୋଲି କହିଛି ବିଜେପି ।
କୋଭିଡ଼ ଗାଇଡ଼ଲାଇନ ଅନୁସାରେ ପିପିଲି ଉପନିର୍ବାଚନ ହେଉ ବୋଲି କହିଛନ୍ତି ପୃଥ୍ବୀରାଜ ହରିଚନ୍ଦନ । କଂଗ୍ରେସ ଅଭିଯୋଗର ବାସ୍ତବତା ଓ ସତ୍ୟତା ନାହିଁ ବୋଲି ସେ କହିଛନ୍ତି । ଏହା କେବଳ କଂଗ୍ରେସର ପାଳିଟିକାଲ ଗିମିକ ବୋଲି ପୃଥ୍ଵୀରାଜ କହିଛନ୍ତି । ନିର୍ବାଚନ ଏକ ଗଣତାନ୍ତ୍ରିକ ପଦ୍ଧତି । ନିର୍ବାଚନ ନେଇ ନୋଟିଫିକେଶନ ହୋଇସାରିଛି । ତେଣୁ ନିର୍ବାଚନ ହେବା ଉଚିତ । କୌଣସି ଦୁର୍ବିପାକ ପାଇଁ ପୂର୍ବରୁ କେବେ ନିର୍ବାଚନ ବନ୍ଦ ହେବାର ନଜିର ନାହିଁ । ଏଭଳି ପରିସ୍ଥିତିରେ କୋଭିଡ଼ ପ୍ରଟୋକଲକୁ ପାଳନ କରି ନିର୍ବାଚନ ହେଲେ ସବୁଦିନ ପାଇଁ ଏକ ଦୃଷ୍ଟାନ୍ତ ହୋଇ ରହିବ ବୋଲି ପୃଥ୍ଵୀରାଜ କହିଛନ୍ତି ।