ଭୁବନେଶ୍ବର:ପଦ୍ମ ଛାଡି ଆଜି(ଶୁକ୍ରବାର) ଶଙ୍ଖ ଫୁଙ୍କିଛନ୍ତି ବରୀର ବିଧାୟକ ପ୍ରାର୍ଥୀ ବିଶ୍ବରଞ୍ଜନ ମଲ୍ଲିକ । ବିଜେଡିରେ ସାମିଲ ହେବା ପରେ ବିଜେପି ବିରୋଧରେ ବିଷୋଦଗାର କରିଛନ୍ତି ବିଶ୍ବ ରଞ୍ଜନ । ଏନେଇ ପ୍ରତିକ୍ରିୟା ରଖିଛନ୍ତି ବିଜେପିର ବରିଷ୍ଠ ନେତା ପୃଥ୍ବୀରାଜ ହରିଚନ୍ଦନ । ଧର୍ମ ପରିବର୍ତ୍ତନ କଲେ ଲୋକ ଦିନକୁ 5 ଥର ନମାଜ ପଢ଼ନ୍ତି ବୋଲି କହିଛନ୍ତି ପୃଥ୍ବୀରାଜ ।
'ଧର୍ମ ପରିବର୍ତ୍ତନ କଲେ ଲୋକ ଦିନକୁ 5 ଥର ନମାଜ ପଢ଼ନ୍ତି'
ପୃଥ୍ବୀରାଜ କହିଛନ୍ତି ଯେ, ଓଡ଼ିଆ ଭାଷାରେ ଏକ ପ୍ରବାଦ ଅଛି । ଧର୍ମ ପରିବର୍ତ୍ତନ କଲେ ଲୋକ ଦିନକୁ 5 ଥର ନମାଜ ପଢ଼ନ୍ତି । ଯେଉଁମାନେ ଦଳ ଛାଡିଛନ୍ତି ସେମାନେ ଛାତିରେ ହାତ ଦେଇ ସତ କୁହନ୍ତୁ । ସତ କ'ଣ ନିଜ ମୁହଁରେ ମାନନ୍ତୁ । ପାର୍ଟିରେ ବିଶ୍ବଙ୍କର ଗୁରୁତ୍ବ ବଢ଼ିଥିଲା । ତାକୁ ମୂଲଚାଲ କରି ସେ ଅନ୍ୟ ରାଜନୈତିକ ଦଳକୁ ଯାଇଛନ୍ତି । ତେବେ ଲମ୍ବା ରାଜନୈତିକ ବ୍ୟବସ୍ଥାରେ ଚାଲିବାର ସେଇଟା ଅଭ୍ୟାସ ନୁହେଁ । ଯେଉଁମାନେ କ୍ଷଣିକ ସୁଖ ବା ଆନନ୍ଦ ପାଇବାକୁ ଦଳ ଛାଡୁଛନ୍ତି । ଲମ୍ବା ସମୟ ଧରି ଲୋକ ତାଙ୍କୁ ପ୍ରତ୍ୟାଖ୍ୟାନ କରିଛନ୍ତି ।