ଭୁବନେଶ୍ବର:ପ୍ରଧାନମନ୍ତ୍ରୀ ଆବାସ ଯୋଜନାକୁ (Pradhan Mantri Awas Yojana politics) ନେଇ ବିଜେଡି ଶୋଭାଯାତ୍ରାକୁ ନେଇ ପ୍ରତିକ୍ରିୟା ରଖିଲେ ବିରୋଧୀଦଳ ମୁଖ୍ୟ ସଚେତକ ମୋହନ ଚରଣ ମାଝୀ । ରାଜ୍ୟରେ ମମିତା ମେହେର ହତ୍ୟାକାଣ୍ଡରୁ ନିଜକୁ ବଞ୍ଚାଇବା ପାଇଁ ଏଭଳି ଚାଲ କରୁଛି ବିଜେଡି ବୋଲି ମୋହନ ମାଝୀ କହିଛନ୍ତି ।
PMAY ଯୋଜନାକୁ ନେଇ ବିଜେଡି ପ୍ରତିବାଦକୁ ନେଇ ବିରୋଧୀଦଳ ମୁଖ୍ୟ ସଚେତକ ମୋହନ ମାଝୀ ବିଜେଡିକୁ ଟାର୍ଗେଟ କରିଛନ୍ତି । ପ୍ରଧାନମନ୍ତ୍ରୀ ଆବାସ ଯୋଜନାରେ (PMAY) ଓଡିଶାକୁ କେନ୍ଦ୍ର ସରକାର ସବୁଠୁ ଅଧିକ ଦେଇଛନ୍ତି । କେନ୍ଦ୍ର ସରକାର ରାଜ୍ୟକୁ ୮ ଲକ୍ଷ ୧୭ ହଜାର ଗୃହ ଓଡିଶାକୁ ଦେଇଛନ୍ତି । ରାଜ୍ୟ ସରକାର ସବୁ ତାଲିକା ଦେଇ ପାରୁନାହାଁନ୍ତି । ଘର ବଣ୍ଟନରେ ରାଜ୍ୟ ସରକାର ପାତରଅନ୍ତର କରୁଛନ୍ତି ଏବଂ ଚଞ୍ଚକତା କରୁଛନ୍ତି । ବିଜେଡି ଲୋକଙ୍କୁ ଘର ଦିଆଯାଉଛି କିନ୍ତୁ ଯୋଗ୍ୟ ଲୋକଙ୍କୁ ଘର ମିଳୁନି । ବିଶେଷ କରି ପଶ୍ଚିମ ଓଡିଶାର ୧୧ ଜିଲ୍ଲାର ହିତାଧିକାରୀଙ୍କୁ ଦିଆଯାଉନି । ମମିତା ମେହେର ହତ୍ୟାକାଣ୍ଡରେ ଗୃହମନ୍ତ୍ରୀଙ୍କ ସଂପୃକ୍ତିକୁ ନେଇ ବିଜେଡି ସରକାର ଚାପରେ ଅଛି । ମମିତା ମେହେର କେସରୁ ନଜର ହଟାଇବାକୁ ଏପରି କରୁଛି ବିଜେଡି । କେବଳ ନିଜକୁ ବଞ୍ଚାଇବାକୁ ବିଜେଡି ରାଜନୀତି କରୁଛି ବୋଲି ମୋହନ ମାଝୀ କହିଛନ୍ତି।