ଭୁବନେଶ୍ବର: ବିଜେଡି ସାଂସଦ ଅମର ପଟ୍ଟନାୟକଙ୍କ କୋଭାକ୍ସିନକୁ ନେଇ ଦେଇଥିବା ମନ୍ତବ୍ୟ ଦୁର୍ଭାଗ୍ୟଜନକ, ଜନବିରୋଧୀ, ମିଥ୍ୟା, ବିଭ୍ରାନ୍ତିକର । ଲୋକଙ୍କୁ ଟିକା ନ ନେବା ତଥା ଭୟ ସୃଷ୍ଟି କରିବା ପାଇଁ ଏହି ମନ୍ତବ୍ୟ ଦେଇଛନ୍ତି ସାଂସଦ । ଏଣୁ ଅମରଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ନେବା ପାଇଁ ରାଜ୍ୟ ବିଜେପି ସାଧାରଣ ସମ୍ପାଦକ ଲେଖାଶ୍ରୀ ସାମନ୍ତସିଂହାର ଦାବି କରିଛନ୍ତି ।
ଅମରଙ୍କ ଉପରେ କାର୍ଯ୍ୟାନୁଷ୍ଠାନ ଦାବି କଲେ ଲେଖାଶ୍ରୀ
ଟିକା ନେଇ ବିଦେଶ ଯିବା ସର୍ତ୍ତ ବିଶ୍ବ ସ୍ବାସ୍ଥ୍ୟ ସଂଗଠନ(WHO) ରଖି ନ ଥିବା ବେଳେ ସାଂସଦ ଏଭଳି ପ୍ରସଙ୍ଗ କାହିଁ ଉଠାଇଲେ ବୋଲି ପ୍ରଶ୍ନ କଲେ ଲେଖାଶ୍ରୀ । ବିଶ୍ବରେ ସମସ୍ତ ଟିକା ନେଇ ନାହାନ୍ତି । ରାଜ୍ୟ ସରକାରଙ୍କ କୋଭିଡ ପରିଚାଳନାର ବିଫଳତାକୁ ଲୁଚାଇବାକୁ ଯାଇ ଏହି କଥା କହିଛନ୍ତି । ନିଜେ ପଟ୍ଟନାୟକ ବାବୁ ଦୁଇ ଦୁଇଟା ଡୋଜ ନେଇଥିବେ, ନିଜେ ସୁରକ୍ଷିତ ରହି ଅନ୍ୟକୁ ଡରାଉଛନ୍ତି ବୋଲି ଲେଖାଶ୍ରୀ ଅଭିଯୋଗ କରିଛନ୍ତି ।