ଭୁବନେଶ୍ବର: ରାଜଧାନୀର ଆଇନ ଶୃଙ୍ଖଳାକୁ ନେଇ ବର୍ଷିଲା ବିଜେପି । ଭୁବନେଶ୍ବରରେ ଯେତେସବୁ ହିସାଂକାଣ୍ଡ ଘଟୁଛି ସବୁଥିରେ ମଧ୍ୟ ବିଧାୟକ ଅନନ୍ତ ନାରାୟଣ ଜେନାଙ୍କ ହାତ ରହିଛି । ମଙ୍ଗଳବାର ଏମିତି ସାଂଘାତିକ ଅଭିଯୋଗ ଆଣିଛି ବିଜେପି । ଦଳୀୟ କାର୍ଯ୍ୟାଳୟରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଏମିତି ଅଭିଯୋଗ ଆଣିଛନ୍ତି ବିଜେପି ନେତା ଜଗନ୍ନାଥ ପ୍ରଧାନ ।
ମଧ୍ୟ ବିଧାୟକଙ୍କ ବିରୋଧରେ ସାଂଘାତିକ ଅଭିଯୋଗ ଆଣିଲା ବିଜେପି
ଜଗନ୍ନାଥ ଅଭିଯୋଗ କରିଛନ୍ତି ଜାନୁଆରୀ ୧୦ରେ ମାର୍କେଟ ବିଲଡିଂରେ ସ୍ଥାନୀୟ ଯୁବକଙ୍କ ଗୁଣ୍ଡାରାଜ ହେଉ ଅବା ୧୪ ତାରିଖରେ ଶିଖ ବ୍ୟବସାୟୀଙ୍କୁ ମରଣାନ୍ତକ ଆକ୍ରମଣ । ସବୁଥିରେ ବିଧାୟକ ଅନନ୍ତ ନାରାୟଣ ଜେନାଙ୍କ ପ୍ରଛନ୍ନ ହାତ ରହିଛି ବୋଲି ସେ ସାଂଘାତିକ ଅଭିଯୋଗ ଆଣିଛନ୍ତି । ରାଜଧାନୀରେ ସରକାରୀ ଦଳର କର୍ମୀମାନେ ଗୁଣ୍ଡାରାଜ ଚଳାଇଛନ୍ତି । ମାର୍କେଟ ବିଲଡିଂ ମାମଲାର ମୁଖ୍ୟ ଅଭିଯୁକ୍ତ ସ୍ମୃତି ସାଗର ମହାପାତ୍ର ହେଉଛନ୍ତି ବିଧାୟକ ଅନନ୍ତ ଜେନାଙ୍କ ପାଖ ଲୋକ । ପ୍ରମାଣ ସ୍ବରୂପ ବିଜେପି ବିଧାୟକ ଓ ଅଭିଯୁକ୍ତଙ୍କ ବିଭିନ୍ନ ଫଟୋ ଜାରି କରିଛି ।