ଭୁବନେଶ୍ବର: ବିଧାନ ପରିଷଦ ଗଠନ ନେଇ ଓଡ଼ିଶା ସରକାରଙ୍କ ତରଫରୁ କେନ୍ଦ୍ରକୁ ସଂକଳ୍ପ ପ୍ରସ୍ତାବ ଦିଆ ନଯିବା ମାମଲାରେ ମୁହଁ ଖୋଲିଲେ ବିଜେପି ମୁଖପାତ୍ର ଗୋଲକ ମହାପାତ୍ର । କିଏ ସତ କହୁଛି କିଏ ମିଛ କହୁଛି ଆଗକୁ ପ୍ରମାଣ ହୋଇଯିବ ବୋଲି ସାମ୍ବାଦିକ ସମ୍ମିଳନୀରେ ଗୋଲକ କହିଛନ୍ତି ।
ବିଧାନ ପରିଷଦ ପାଇଁ କେନ୍ଦ୍ରକୁ ପ୍ରସ୍ତାବ ଯିବା ମାମଲା: ସତ-ମିଛ ଆଗକୁ ସ୍ପଷ୍ଟ ହେବ କହିଲା BJP
ଶୁକ୍ରବାର ବିଜେଡି କହିଥିଲା ଯେ, ବିଧାନସଭାରେ ସଙ୍କଳ୍ପ ପାରିତ ହେବା ପରେ 18 ସେପ୍ଟେମ୍ବର 2018ରେ ଏହି ପ୍ରସ୍ତାବ କେନ୍ଦ୍ର ନିକଟକୁ ପଠାଯାଇଛି । ମାତ୍ର ଆଜି ପର୍ଯ୍ୟନ୍ତ କେନ୍ଦ୍ରରୁ କୌଣସି ପ୍ରତିକ୍ରିୟା ମିଳିପାରି ନାହିଁ । ଯାହା ଚକିତ କରିଛି ବୋଲି ସୂର୍ଯ୍ୟ ନାରାୟଣ ପାତ୍ର କହିଥିଲେ । ତେବେ ବିଧାନ ପରିଷଦକୁ ନେଇ କିଏ ସତ କହୁଛନ୍ତି ଏବଂ କିଏ ମିଛ କହୁଛନ୍ତି ତାହା ଆଗକୁ କେନ୍ଦ୍ର ସରକାର ସ୍ପଷ୍ଟ କରିବେ ବୋଲି ଗୋଲକ କହିଛନ୍ତି ।