ଭୁବନେଶ୍ବର: ସରକାରୀ ସ୍କୁଲ ଛାତ୍ରଛାତ୍ରୀଙ୍କ ପାଇଁ ରାଜ୍ୟ ସରକାର ଆଣିଥିବା ସଂରକ୍ଷଣ ନିଷ୍ପତ୍ତିକୁ ବିଭିନ୍ନ ଆଡେ ସ୍ବାଗତ କରାଯାଉଥିବା ବେଳେ ବିଜେପି କାହିଁକି ଭୟଭୀତ ବୋଲି ପ୍ରଶ୍ନ କରିଛନ୍ତି ବିଜେଡି ମୁଖପାତ୍ର ଏଲିନା ଦାସ । ଆଜି ଏକ ସାମ୍ବାଦିକ ସମ୍ମିଳନୀରେ ବିଜେପିକୁ ଏପରି ଟାର୍ଗେଟ କରି ଏଲିନା କହିଛନ୍ତି ଯେ ମୁଖ୍ୟମନ୍ତ୍ରୀଙ୍କ ଏହି ନିଷ୍ପତ୍ତି ସବୁଆଡେ ଗ୍ରହଣୀୟ ହୋଇଛି ଓ ତାଙ୍କର ଲୋକପ୍ରିୟତା ଭୟରେ ବିଜେପି ଏପରି ଅଭିଯୋଗ ଆଣୁଛି ବୋଲି କହିଛନ୍ତି ଏଲିନା ।
ସରକାରଙ୍କ ସଂରକ୍ଷଣ ନିଷ୍ପତ୍ତିରେ ବିଜେପି ଭୟଭିତ: ବିଜେଡି
ଆଜି ବିଜେପି ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତସିଂହର ଏନେଇ ଏକ ସାମ୍ବାଦିକ ସମ୍ମିଳନୀରେ ରାଜ୍ୟ ସରକାରଙ୍କ ଆଭିମୁଖ୍ୟ ନେଇ ପ୍ରଶ୍ନ କରିଥିଲେ। ପୂର୍ବରୁ ବ୍ୟବସ୍ଥା କରାଯାଇଥିବା ସଂରକ୍ଷଣ ବ୍ୟବସ୍ଥା କାହିଁକି ଲାଗୁ କରାଯାଉନାହିଁ ବୋଲି ପ୍ରଶ୍ନ କରିଥିଲେ ଲେଖାଶ୍ରୀ । ଲେଖାଶ୍ରୀ ପଚାରିଥିବା ଓବିସି ଓ ଏସିବିସି ସଂରକ୍ଷଣ ପ୍ରସଙ୍ଗରେ ବିଜେଡି ମୁଖପାତ୍ର କିଛି ମୁହଁ ଖୋଲି ନାହାଁନ୍ତି ।