ଭୁବନେଶ୍ବର: ପ୍ରଧାନମନ୍ତ୍ରୀ ଆବାସ ଯୋଜନାରେ ଲୋଗୋ ଛୋଟ କରିବା ପ୍ରସଙ୍ଗ । ପ୍ରତିକ୍ରିୟା ରଖିଲେ ବିଜେପି ନେତା ପୃଥ୍ୱୀରାଜ ହରିଚନ୍ଦନ। କହିଲେ ସରକାର ଭାବି ଚିନ୍ତି ନିଷ୍ପତ୍ତି ନେବା ଉଚିତ । କେନ୍ଦ୍ର ସରକାରଙ୍କ ନୋମେନ କ୍ଲେଚର ପରିବର୍ତ୍ତନ କରିବାର ନିୟମ ନାହିଁ । ଯେଉଁ ଅଧିକାରୀମାନେ ଗାଁକୁ ଯାଉଛନ୍ତି ଲୋଗୋ ଲଗାଇବା ପାଇଁ ତାଙ୍କୁ ଗାଁ ଲୋକ ଫେରାଇ ଦେଉଛନ୍ତି । ପ୍ରଥମେ ସମସ୍ତ ଯୋଗ୍ୟ ହିତାଧିକାରୀଙ୍କୁ ଘର ଦିଅନ୍ତୁ ବୋଲି ଦାବି କରୁଛି ବିଜେପି ।
ପ୍ରଧାନମନ୍ତ୍ରୀ ଆବାସ ଯୋଜନାରେ ଲୋଗୋ ଛୋଟାଇବା ପ୍ରସଙ୍ଗରେ ବର୍ଷିଲା ବିଜେପି ସରକାର ଅଧାକଥା ଶୁଣି ଆସୁଛନ୍ତି । ମୁଖ୍ୟମନ୍ତ୍ରୀଙ୍କ ଚିଠି ଅନୁସାରେ ବିଜୁ ବାବୁଙ୍କ ସ୍ବପ୍ନ କଥା ମିଥ୍ୟା । ଚିଠିକୁ ସରକାର ପ୍ରତ୍ୟାହାର କରନ୍ତୁ। ଯେଉଁ ଆବେଦନ ପତ୍ର ଆସିଛି, ସରକାର ସେଗୁଡିକୁ ଗୁରୁତର ସହ ନେଇ ଘର ଯୋଗାଇ ଦିଅନ୍ତୁ ।ସରକାର ଷ୍ଟିକର ଲଗାଇବା ପାଇଁ 10 କୋଟି ଟଙ୍କା ଖର୍ଚ୍ଚ କରିଛନ୍ତି । ଏବେ ପୁଣି ନୂଆ ଲୋଗୋ ଲଗାଯିବ। ଯେଉଁ 10 କୋଟି ଟଙ୍କା କ୍ଷତି ହେବ ତାକୁ କିଏ ଭରଣା କରିବ ସରକାର ଉତ୍ତର ଦେବେ କି ? ଯୋଜନା ହଡପ ପାଇଁ ଚେଷ୍ଟା କରୁଛନ୍ତି ରାଜ୍ୟ ସରକାର। ଯେ ପର୍ଯ୍ୟନ୍ତ ସମସ୍ତ ହିତାଧିକାରୀଙ୍କୁ ରାଜ୍ୟ ସରକାର ଘର ଯୋଗାଇ ନାହାନ୍ତି ସେ ପର୍ଯ୍ୟନ୍ତ ବିଜେପିର ଲଢେଇ ଜାରି ରହିବ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
