ଭୁବନେଶ୍ବର: କଟକ ସାଲେପୁରର ବିଜେପି ନେତା ତଥା ମାହାଙ୍ଗା ବ୍ଲକର ପୂର୍ବତନ ଅଧ୍ୟକ୍ଷ କୁଳମଣି ବରାଳଙ୍କ ହତ୍ୟାକାଣ୍ଡ ଘଟଣାରେ ଶାସକ ବିଜେଡି ଉପରକୁ ଅଙ୍ଗୁଳି ଉଠିଛି । ଓଡିଶାରେ ବିଜୁ ଜନତା ଦଳ ପଶ୍ଚିମବଙ୍ଗ ଭଳି ରାଜନୀତି ଆରମ୍ଭ କରିଛି । ଯେଉଁଭଳି ପଶ୍ଚିମବଙ୍ଗରେ ମମତା ସରକାରଙ୍କ ବିରୋଧରେ କିଏ ସ୍ବର ଉତ୍ତୋଳନ କଲେ, ତାଙ୍କୁ ହତ୍ୟା କରାଯାଉଛି । ଠିକ ସେହିଭଳି ଭାବେ ଓଡିଶାରେ ମଧ୍ୟ ବିଜେଡି ଶାସନ ଚାଲିଛି ବୋଲି ନିଜ ପ୍ରେସମିଟରେ କହିଛନ୍ତି ବିଜେପିର ସାଧାରଣ ସମ୍ପାଦକ ଗୋଲକ ମହାପାତ୍ର ।
ଓଡିଶାରେ ବିଜେଡି କରୁଛି ପଶ୍ଚିମବଙ୍ଗ ରାଜନୀତି
ବିଜେଡ଼ି ଏଠାରେ ପଶ୍ଚିମବଙ୍ଗ ଭଳି ଶାସନ କରୁଛି। ନୃତ୍ତାଙ୍ଗ ପଞ୍ଚାୟତରେ ପ୍ରଧାନମନ୍ତ୍ରୀ ଆବାସ ଯୋଜନାରେ ହେରଫେର ହେଉଥିବା କଥା ଉଠାଇବାରୁ ମାହାଙ୍ଗା ବ୍ଲକର ପୂର୍ବତନ ଅଧ୍ୟକ୍ଷ କୁଳମଣି ବରାଳଙ୍କୁ ହତ୍ୟା କରାଯାଇଛି ବୋଲି କହିଛନ୍ତି ଗୋଲକ ମହାପାତ୍ର ।
ଏହାସହ ଏହି ଘଟଣାକୁ ଘୃଣ୍ୟ ଓ ନିନ୍ଦନୀୟ ଘଟଣା ବୋଲି କହିଛନ୍ତି ।