ଭୁବନେଶ୍ବର: କୋରୋନା ନ ଯାଉଣୁ ଏବେ ଡରାଇଲାଣି ଡେଙ୍ଗୁ । ଗତକାଲି(ଗୁରୁବାର) ରାଜଧାନୀରୁ ପୁଣି 34 ଡେଙ୍ଗୁ ରୋଗୀ ଚିହ୍ନଟ ହୋଇଛନ୍ତି । ଏଥିପାଇଁ ଶାସକ ଦଳକୁ ଦାୟୀ କରିଛି ବିଜେପି । ମହିଷାଖାଲ ବସ୍ତିରେ ବିଜେପିର ଡେଙ୍ଗୁ ସଚେତନତା କାର୍ଯ୍ୟକ୍ରମ ।
ରାଜଧାନୀରେ ବଢୁଛନ୍ତି ଡେଙ୍ଗୁ ରୋଗୀ, ବିଜେଡିକୁ ଦାୟୀ କଲା ବିଜେପି ରାଜଧାନୀବାସୀଙ୍କ ପାଇଁ ଚିନ୍ତା ବଢାଇଲାଣି ଡେଙ୍ଗୁ ସମସ୍ୟା । ସମାଧାନ ନେଇ ଭୁବନେଶ୍ୱର ମହାନଗର ନିଗମ ଓ ରାଜ୍ୟ ସରକାର ନୀରବ । ଏଭଳି ଅଭିଯୋଗ ଆଣି ପ୍ରତିବାଦରେ ଭୁବନେଶ୍ୱର ସାଙ୍ଗଠନିକ ଜିଲ୍ଲା ବିଜେପି ବିକ୍ଷୋଭ ପ୍ରଦର୍ଶନ କରିଛନ୍ତି । ଏକାମ୍ର ନିର୍ବାଚନ ମଣ୍ଡଳୀର ବିଜେବି ନଗର ସ୍ଥିତ ମହିଷାଖାଲ ବସ୍ତି ଅଞ୍ଚଳରେ ବିକ୍ଷୋଭ ପ୍ରଦର୍ଶନ ସହ ସଚେତନତା ଅଭିଯାନ କରିଛି ବିଜେପି । ଜିଲ୍ଲା ସଭାପତି ବାବୁ ସିଂଙ୍କ ନେତୃତ୍ୱରେ ସଚେତନତା ସମୟରେ ବ୍ଲିଚିଂ ଓ ଫିନାଇଲ ପକାଇ ବସ୍ତି ସଫା କରିଛି ବିଜେପି ।
ଡେଙ୍ଗୁ ସଂକ୍ରମଣ ହାର ଦିନକୁ ଦିନ ବଢୁ ଥିବାବେଳେ ସ୍ୱଚ୍ଛତା ଓ ସଚେତନତା ଉପରେ ବିଏମସି ଧ୍ଯାନଦେଉ ବୋଲି ଦାବି କରିଛି ଦଳ । ଯଦି ଏପରି ହୁଏ ତେବେ ଆଗକୁ ମଧ୍ୟ ଲୋକଙ୍କ ସ୍ୱାର୍ଥକୁ ନେଇ ଦଳ ପ୍ରତିବାଦ ଜାରି ରଖିବା ବୋଲି ଚେତାବନୀ ଦେଇଛି ବିଜେପି ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
