ଭୁବନେଶ୍ବର: ପୁରୀ ଜିଲ୍ଲା ବ୍ରହ୍ମଗିରି ବିଧାନସଭା ମଣ୍ଡଳୀର ପୂର୍ବତନ ବିଧାୟକ ସଞ୍ଜୟ ଦାସବର୍ମାଙ୍କ PA ଚିତ୍ତରଞ୍ଜନ ପଲେଇଙ୍କ ହତ୍ୟା ପ୍ରସଙ୍ଗ । ନୈତିକତା ଦୃଷ୍ଟିରୁ ରାଜ୍ୟ ଯୋଜନା ବୋର୍ଡ଼ ଉପାଧ୍ୟକ୍ଷ ପଦବୀରୁ ସଞ୍ଜୟଙ୍କ ଇସ୍ତଫା ଦାବି କଲା ବିଜେପି । ମଙ୍ଗଳବାର ପ୍ରେସମିଟ କରି ହତ୍ୟାକାଣ୍ଡର ନିରପେକ୍ଷ ତଦନ୍ତ ପାଇଁ ମଧ୍ୟ ବିଜେପି ଦାବି କରିଛି ।
Sanjay Das Burma PA death case: ଯୋଜନା ବୋର୍ଡ ଉପାଧ୍ୟକ୍ଷ ପଦବୀରୁ ସଞ୍ଜୟଙ୍କ ଇସ୍ତଫା ଦାବି
ମୃତ୍ୟୁକୁ ନେଇ ରାଜନୀତି କରିବାର ଉଦ୍ଦେଶ୍ୟ ନାହିଁ । କିନ୍ତୁ ଯେତେବେଳେ ହତ୍ୟା ହେଉଛି ଏବଂ ରହସ୍ୟମୟ ହେଉଛି, ପରିବାର ଲୋକେ ରାଜନୈତିକ ଵ୍ୟକ୍ତିଙ୍କର ସମ୍ପୃକ୍ତି ଅଭିଯୋଗ ଆଣୁଛନ୍ତି । ଗତକାଲି (ସୋମବାର) ଚିତ୍ତରଞ୍ଜନଙ୍କ ପରିବାର ଲୋକେ ଅଭିଯୋଗ କରିଛନ୍ତି ଯେ ହତ୍ୟାରେ ଯୋଜନା ବୋର୍ଡ ଉପାଧ୍ୟକ୍ଷଙ୍କର ହାତ ରହିଛି । ତେବେ କେବଳ ବ୍ରହ୍ମଗିରି ନୁହେଁ, ସାରା ଓଡି଼ଶାରେ ଶାସକ ଦଳ ନେତାଙ୍କ ସମ୍ପୃକ୍ତି ଅନେକ ହତ୍ୟାକାଣ୍ଡ ଓ ଅପରାଧରେ ଅଭିଯୋଗ ହେଉଛି । ପୋଲିସ ମଧ୍ୟ ଚିତ୍ତରଞ୍ଜନଙ୍କର ହତ୍ୟା ହୋଇଛି ବୋଲି ସ୍ପଷ୍ଟ କରିଛି ।