ଭୁବନେଶ୍ବର: ପଞ୍ଚାୟତିରାଜ ଦିବସରେ ରାଜ୍ୟ ସରକାର 20 ଲକ୍ଷ ଯୋଗ୍ୟତା କାର୍ଡ ବାଣ୍ଟିବା ପାଇଁ କାର୍ଯ୍ୟକ୍ରମ ଶୁଭାରମ୍ଭ କରିଛନ୍ତି । ତେବେ ଏହାକୁ ନେଇ ରାଜ୍ୟ ସରକାରଙ୍କ ଉପରେ କଡା ଆକ୍ରମଣ କରିଛି ରାଜ୍ୟ ବିଜେପି ।
ଯୋଗ୍ୟତା କାର୍ଡ ବଣ୍ଟନକୁ ନେଇ ବର୍ଷିଲା ବିଜେପି; ଆଣିଲା ସାଂଘାତିକ ଅଭିଯୋଗ
ଗୁରୁବାର ଦଳୀୟ କାର୍ଯ୍ୟାଳୟରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ପ୍ରଧାନମନ୍ତ୍ରୀ ଆବାସର ଘୋଟାଲା ନେଇ ରାଜ୍ୟ ସରକାରଙ୍କୁ ହିସାବ ମାଗିଛନ୍ତି ଦଳର ସାଧାରଣ ସମ୍ପାଦକ ପୃଥ୍ବୀରାଜ ହରିଚନ୍ଦନ । ସେ ଅଭିଯୋଗ କରିଛନ୍ତି ସରକାର ରାଜ୍ୟରେ ଫନି ପରଠାରୁ ଆବାସ ଯୋଜନାରେ ଗୋଟିଏ ବି କାର୍ଯ୍ୟାଦେଶ ଦେଇନାହାନ୍ତି କି ହିତାଧିକାରୀଙ୍କ ଚୟନ ତାଲିକା ଚୂଡାନ୍ତ କରିନାହାଁନ୍ତି । ସଂଗୀନ ଅଭିଯୋଗ ଆଣି କହିଛନ୍ତି ସାମାଜିକ ଅର୍ଥନୈତିକ ସର୍ଭେରେ ଥିବା 27 ଲକ୍ଷ ହିତାଧିକାରୀଙ୍କୁ ପ୍ରଥମେ ଘର ଦେବାପାଇଁ ଘୋଷଣା କହିଥିଲେ, କାହିଁକି ଦ୍ୱିତୀୟ ପର୍ଯ୍ୟାୟ ସର୍ଭେରେ 9 ଲକ୍ଷ ନାଁ କଟିଲା ବୋଲି ପ୍ରଶ୍ନ କରିଛନ୍ତି ।