ଭୁବନେଶ୍ବର : ଝିଅ ନୁହେଁ ତୁ କରୋନା ଭାଇରସ ଗୀତ ନାରୀ ଜାତିକୁ ଅପମାନିତ କରିଛି । କରୋନାକୁ ବିଶ୍ୱ ମହାମାରୀ ଘୋଷଣା କରାଯାଇଥିବା ବେଳେ କରୋନାକୁ ନାରୀ ଜାତି ସହିତ ତୁଳନା କରି ଗୀତ ପ୍ରସ୍ତୁତ କରାଯାଉଛି, ଯାହା ଅତ୍ୟନ୍ତ ଦୁର୍ଭାଗ୍ୟଜନକ। ସମଗ୍ର ନାରୀ ଜାତିଙ୍କୁ ଅସମ୍ମାନିତ କରିଥିବା ନେଇ କଣ୍ଠଶିଳ୍ପୀ ହୁମ୍ୟାନ ସାଗର ଉପରେ ବର୍ଷିଛି ରାଜ୍ୟ ବିଜେପି ।
ଗୀତ ମାଧ୍ୟମରେ ନାରୀ ଜାତିକୁ ଅପମାନିତ କରିଛନ୍ତି ହୁମ୍ୟାନ
କଣ୍ଠଶିଳ୍ପୀ ହୁମ୍ୟାନ ସାଗର ବିଜେଡି ଦଳର ଜଣେ ସଦସ୍ୟ । ବିଜେଡି ନାରୀକୁ ସମ୍ମାନ ଦେବାର କଥା କହୁଛି, ମୁଖ୍ୟମନ୍ତ୍ରୀ ନାରୀକୁ ସମ୍ମାନ କଥା କହୁଛନ୍ତି ହେଲେ ବିଜେଡି ସଦସ୍ୟ ନାରୀଙ୍କୁ ଅପମାନିତ କରିଚାଲିଛନ୍ତି ବୋଲି ବୁଧବାର ଭୁବନେଶ୍ବର ବିଜେପି ରାଜ୍ୟ କାର୍ଯ୍ୟାଳୟରେ ଅଭିଯୋଗ ଆଣିଛନ୍ତି ବିଜେପି ନେତ୍ରୀ ପିଙ୍କି ପ୍ରଧାନ ।