ଭୁବନେଶ୍ବର: ଜନ ସାଧାରଣଙ୍କ ପାଇଁ ଯେଉଁ କାମ ସରକାର କରୁଛନ୍ତି ତାହା ବିଜେଡିର ଇସ୍ତାହାର ବୋଲି ବିଜେଡି ଉପସଭାପତି ଦେବୀ ମିଶ୍ର କହିଛନ୍ତି । ବର୍ତ୍ତମାନ କୋଭିଡ଼ କଟକଣା ଭିତରେ ପ୍ରଚାର ଚାଲିଛି । ସେହିପରି ଜାକଜମକ ପ୍ରଚାର ହେଉନାହିଁ ବୋଲି ଦେବୀ କହିଛନ୍ତି ।
ବିଜେଡିର କାମ ହେଉଛି ପଞ୍ଚାୟତ ନିର୍ବାଚନ ଇସ୍ତାହାର;ଦେବୀ ମିଶ୍ର ଅନ୍ୟପଟେ ପ୍ରାର୍ଥୀପତ୍ର ପ୍ରତ୍ୟାହାର ପରେ ସରପଞ୍ଚ, ସମିତି ସଭ୍ୟ ,ୱାର୍ଡ଼ ମେମ୍ବର ପାଇଁ ଚିହ୍ନ ମିଳି ସାରିଛି । ଜିଲ୍ଲା ପରିଷଦ ପ୍ରାର୍ଥୀ ପ୍ରଚାର ଆରମ୍ଭ କରିଛନ୍ତି । ଗାଁ ଗହଳିରେ ବିକାଶ ପାଇଁ ବିଜେଡି ସରକାର କରୁଥିବା କାମ ହେଉଛି ଇସ୍ତାହାର ।
ତେବେ ଖାଲି ଘୋଷଣା କଲେ ହେବନି କାମ କରିବାକୁ ପଡିବ ବୋଲି କହିଛନ୍ତି ଦେବୀ ମିଶ୍ର । ବିଭିନ୍ନ ଦଳ ଭିନ୍ନ ପ୍ରତିଶ୍ରୁତି ଦେଇଛନ୍ତି । ହେଲେ ପ୍ରତିଶ୍ରୁତି ପାଣିର ଗାର ହେଉଥିବାବେଳେ ବିଜେଡି କାମରେ କରି ଦେଖାଉଛି ।
ଲୋକଙ୍କ କାମ ହେଉଛି ବିଜେଡି ଇସ୍ତାହାର । ବିଜେଡି ଗତଥର ଅପେକ୍ଷା ଭଲ କରିବ । ବିଭିନ୍ନ ଜିଲ୍ଲା ପାଇଁ ବିଜେଡି ପକ୍ଷରୁ ନିଯୁକ୍ତ ହୋଇଥବା ପର୍ଯ୍ୟବେକ୍ଷକମାନେ ଜିଲ୍ଲା କଥା ବୁଝୁଛନ୍ତି । ସ୍ଥାନୀୟ ନେତୄତ୍ବ ଉଦ୍ୟମରେ ପ୍ରଚାର ଚାଲିଛି । ରାଜ୍ୟ ସ୍ତରରେ ପର୍ଯ୍ୟବେକ୍ଷକ ସମୀକ୍ଷା କରୁଛନ୍ତି ।
ଅନ୍ୟପଟେ ଚାପ ପକାଇ ପ୍ରାର୍ଥୀପତ୍ର ପ୍ରତ୍ୟାହାର ଅଭିଯୋଗ ଉପରେ ଦେବୀ କହିଛନ୍ତି ନିର୍ଦ୍ଦିଷ୍ଟ ଅଭିଯୋଗ ଥିଲେ ସାମ୍ନାକୁ ଆଣନ୍ତୁ । ଅଭିଯୋଗ କରିଵା ଆଳରେ ଅଭିଯୋଗ କରନ୍ତୁ ନାହିଁ । ବିରୋଧୀ ପ୍ରଥମେ କୁହନ୍ତୁ ଟିକଟ ନେଇକି କାହିଁକି ସ୍ବାସ୍ଥ୍ୟଗତ କାରଣ ଦର୍ଶାଇ ପ୍ରାର୍ଥୀ ବସି ଯାଉଛନ୍ତି ।
ଏଥିପାଇଁ କଣ ବିଜୁ ଜନତା ଦଳ ଦାୟୀ ହେବ କି ବୋଲି ପ୍ରଶ୍ନ କରିଛନ୍ତି ଦେବୀ ମିଶ୍ର ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
