ଭୁବନେଶ୍ବର: କଂଗ୍ରେସ ଭବନରେ ପୂର୍ବତନ କେନ୍ଦ୍ରମନ୍ତ୍ରୀ ଜୟରାମ ରମେଶଙ୍କ ସାମ୍ବାଦିକ ସମ୍ମିଳନୀ ପରେ ଶାସକ ଓ ବିରୋଧୀ ଦଳ କ୍ୟାମ୍ପ୍ରେ ହଟଚମଟ ସୃଷ୍ଟି ହୋଇଛି । ଜୟରାମ ରମେଶ୍ଙ୍କ ଅଭିଯୋଗ ପରେ ବିରୋଧୀ ବିଜେପି କଂଗ୍ରେସକୁ ଟାର୍ଗେଟ୍ କରିଥିବା ବେଳେ ଏବେ ବିଜେଡି ମୁଖପାତ୍ର ମଧ୍ୟ ଜୟରାମ ରମେଶଙ୍କୁ ପାଲଟା ଜବାବ ଦେଇଛନ୍ତି । ରାଜ୍ୟରେ ବିଜେପି ବିଜେଡି ମିଳିତ ସରକାର ଚାଲୁଥିବା ଅଭିଯୋଗ କରିଥିଲେ ଜୟରାମ ରମେଶ । ଏହାକୁ ନେଇ ବିଜେଡି ମୁଖପାତ୍ର ଲେନିନ୍ ମହାନ୍ତି ଉତ୍ତର ରଖିଛନ୍ତି (Lenin Mohanty reaction on congress leader)।
ଲେନିନ୍ ମହାନ୍ତି ଲୋକକଥା ଢଗ ମାଧ୍ୟମରେ ଜୟରାମ ରମେଶଙ୍କୁ କଟାକ୍ଷ କରିଛନ୍ତି । ସେ କହିଛନ୍ତି "କହି ଦେଉଥାଏ ପରକୁ, ବୁଦ୍ଧି ନ ଦିଶଇ ଘରକୁ । ଆମେ ଭାବିଥିଲୁ ଯେ, ତାଙ୍କର ଜଣେ ତୁଙ୍ଗ ନେତା ତାଙ୍କ କଥା ଶୁଣିବ କଂଗ୍ରେସ । ଗୁଲାମ ନବୀ ଆଜାଦ କହିଥିଲେ ଭାରତ ଯୋଡ଼ ଅଭିଯାନ ଛାଡ଼ କଂଗ୍ରେସ ଯୋଡ଼ ଅଭିଯାନ ଆରମ୍ଭ କରିବାକୁ କହିଥିଲେ । ମୁଖ୍ୟମନ୍ତ୍ରୀ ଯାହା ଦରକାର ତାହା କରି ଆସିଛନ୍ତି । ସଙ୍ଘୀୟ ଗଣତନ୍ତ୍ରରେ ଯାହା ଆଚରଣ ଓ ଉଚ୍ଚାରଣ ସବୁ ଜିନିଷ ନିର୍ଭର କରନ୍ତି । ଚିତ୍କାର କଲେ କେହି ଶୁଣିବେନି । ଓଡ଼ିଶାରେ ତାଙ୍କ ପାଇଁ କୌଣସି ଆଶା ନାହିଁ । କଂଗ୍ରେସ ଓଡ଼ିଶାରେ ଯାହା କଲେ ଦୁଇ ପ୍ରତିଶତରୁ ଅଧିକ ଭୋଟ ପାଇବ ନାହିଁ । ଜଣେ ବିରୋଧୀ ଭାବେ ସେ କଟାକ୍ଷ କରିଛନ୍ତି ।"
କଂଗ୍ରେସ ପ୍ରଥମେ ତାର ଦୁଇ ପ୍ରତିଶତ ଭୋଟ୍ ବଞ୍ଚାଉ: ଲେନିନ୍ ମହାନ୍ତି ଏହା ବି ପଢ଼ନ୍ତୁBharat Jodo Yatra: BJP ଓ ମୋଦିଙ୍କୁ ଟାର୍ଗେଟ୍ କଲେ ଜୟରାମ ରମେଶ
ଏହାପୂର୍ବରୁ ଜୟରାମ ରମେଶ ସାମ୍ବାଦିକ ସମ୍ମିଳନୀ କରି କହିଥିଲେ, "ବିଜେପି ଯୋଗୁଁ ଭାରତ ବିଭାଜିତ ହେବାରେ ଲାଗିଛି । ଜାତି, ଧର୍ମ, ପ୍ରାନ୍ତ ନାମରେ ଲୋକଙ୍କୁ ବଣ୍ଟା ଯାଉଛି । ଘୋଷଣା ହୋଇନଥିଲେ ମଧ୍ୟ ଦେଶରେ ଜରୁରୀକାଳୀନ ପରିସ୍ଥିତି ସୃଷ୍ଟି ହୋଇଛି । ରାଜନୀତି ଅଧିକାରକୁ ହାତକୁ ନେଇଛନ୍ତି ପ୍ରଧାନମନ୍ତ୍ରୀ । କ୍ଷମତା କେନ୍ଦ୍ରିକରଣ ହେବାରେ ଲାଗିଛି । ଏଭଳି ସ୍ଥିତିରେ ଦେଶରେ ଭାରତକୁ ଯୋଡ଼ିବାର ସମୟ ଆସିଛି । ରାଜ୍ୟରେ ବିଜେଡି ବିଜେପି ମିଳିତ ସରକାର ଚାଲିଛି । ପ୍ରଧାନମନ୍ତ୍ରୀ ଯାହା କହୁଛନ୍ତି ମୁଖ୍ୟମନ୍ତ୍ରୀ ତାହା କହୁଛନ୍ତି । ଓଡ଼ିଶାରେ ଭାରତଯୋଡ଼ ଯାତ୍ରାର ଟାର୍ଗେଟରେ ଉଭୟ ବିଜେପି ଓ ବିଜେଡି ରହିବେ । ରାଷ୍ଟ୍ରୀୟ ସ୍ତରରେ ଭାରତ ଯୋଡ଼ ଯାତ୍ରା କେବେଳ ଆର୍ଏସ୍ଏସ୍ ଓ ବିଜେପିକୁ ଟାର୍ଗେଟ୍ କରୁଛି ।(Jayaram Ramesh allegation on ruling party )"
ସେପ୍ଟେମ୍ବର ୭ ତାରିଖରରେ କନ୍ୟାକୁମାରୀରୁ କଂଗ୍ରେସ ଭାରତଯୋଡ଼ ଅଭିଯାନ ଆରମ୍ଭ କରିଛି । ତାମିଲନାଡ଼ୁରେ ଅଭିଯାନ ଶେଷ କରିବା ପରେ କଂଗ୍ରେସର ଏହି ଯାତ୍ରା ବର୍ତ୍ତମାନ କେରଳରେ ପହଞ୍ଚିଛି । ମୋଟ ୧୦ଟି ରାଜ୍ୟ ଦେଇ କଂଗ୍ରେସର ଏହି ପଦଯାତ୍ରା ଅଭିଯାନ ଯିବ । ଏହାଛଡ଼ା ଯେଉଁସବୁ ସ୍ଥାନରେ ଭାରତ ଯୋଡ଼ ଯାତ୍ରା ପହଞ୍ଚି ପାରିନି ସେଠାରେ ମଧ୍ୟ ଅଭିଯାନ ଆରମ୍ଭ ହେବା ନେଇ ଜୟରାମ ରମେଶ ସୂଚନା ଦେଇଛନ୍ତି ।
