ଭୁବନେଶ୍ବର: ମୁଖ୍ୟମନ୍ତ୍ରୀଙ୍କ ମୁମ୍ବାଇ ଗସ୍ତକୁ ନେଇ ପ୍ରଶ୍ନ କରିଛନ୍ତି ବିରୋଧୀ ଦଳର ନେତା ଜୟନାରାୟଣ ମିଶ୍ର । ଜୟ କହିଛନ୍ତି, "ଅତୀତରେ ମେକ ଇନ ଓଡ଼ିଶା ନାଁରେ ରାଜକୋଷରୁ କୋଟି କୋଟି ଟଙ୍କା ଖର୍ଚ୍ଚ ହୋଇଛି । ମନ୍ତ୍ରୀ, ସଚିବ ମାନେ ବିଦେଶ ଯାଇ ଅନେକ କାର୍ଯ୍ୟକ୍ରମ କରିଛନ୍ତି ଅନେକ ଅର୍ଥ ଖର୍ଚ୍ଚ କରି କହିଲେ ଓଡ଼ିଶା ପୁଞ୍ଜି ନିବେଶ ହେବ । ହେଲେ ଏ ପର୍ଯ୍ୟନ୍ତ କୌଣସି ଆଖି ଦୃଶିଆ ପୁଞ୍ଜି ନିବେଶ ହେଲା ନାହିଁ।"
ମୁଖ୍ୟମନ୍ତ୍ରୀଙ୍କ ମୁମ୍ବାଇ ଗସ୍ତକୁ ବିରୋଧୀ ଦଳନେତାଙ୍କ ସମାଲୋଚନା, ଜବାବ ରଖିଲା ବିଜେଡି
ବିରୋଧୀ ଦଳ ନେତା ଆହୁରି ମଧ୍ୟ କହିଛନ୍ତି, ନିବେଶକ ସମ୍ମିଳନୀ ନାମରେ ଦେଶ ବିଦେଶକୁ ଯାତ୍ରା କରିବା ନୂଆ କଥା ନୁହେଁ । ଯେଉଁ ବ୍ୟକ୍ତି ବିଶେଷଙ୍କୁ ଭେଟି ଓଡିଶାରେ ନିବେଶ ପାଇଁ ଆମନ୍ତ୍ରଣ କରୁଛନ୍ତି ସେମାନଙ୍କ ମଧ୍ୟରେ ଅଧିକାଂଶ ପୁରୁଣା ମୁହଁ । କେବଳ ଓଡ଼ିଶା ବାସୀଙ୍କୁ ଭକୁଆ କରୁଛନ୍ତି ବୋଲି ଜୟ କହିଛନ୍ତି ।