ଭୁବନେଶ୍ବର: କେନ୍ଦ୍ର ପଣ୍ୟଗାର ନିଗମ ସ୍ଥାନାନ୍ତରିତ ବିରୋଧରେ ରାଜ ରାସ୍ତାକୁ ଓହ୍ଲାଇଛି ବିଜେଡି । ସୋମବାର ଭୁବନେଶ୍ବର ସ୍ଥିତ କେନ୍ଦ୍ର ପଣ୍ୟଗାର ନିଗମ କାର୍ଯ୍ୟାଳୟ ସମ୍ମୁଖରେ ବିଜେଡି ନେତା ଓ କର୍ମୀ ନାରାବାଜି କରିବା ସହ ଧାରଣା ଦେଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ୱର
ବିଜେଡିର ଅଭିଯୋଗ ଭୁବନେଶ୍ବରରେ କେନ୍ଦ୍ର ପଣ୍ୟଗାର ନିଗମ ଲାଭରେ ଚାଲିଥିଲାବେଳେ କେନ୍ଦ୍ର ସରକାର ସ୍ଥାନାନ୍ତରିତ କରିବାକୁ ଚକ୍ରାନ୍ତ କରିଛନ୍ତି । ୩ ଲକ୍ଷ ମେଟ୍ରିକ ଟନ କ୍ଷମତାର ଏହି ପଣ୍ୟଗାର ଓଡ଼ିଶାର ବହୁ ଉପକାରରେ ଲାଗୁଛି । ଏହାକୁ ବରଦାସ୍ତ ନକରି ଏନେଇ ବିଭାଗୀୟ ମନ୍ତ୍ରୀଙ୍କୁ ଏକ ସ୍ମାରକପତ୍ର ପ୍ରଦାନ କରାଯିବ ।
ଦୀର୍ଘବର୍ଷ ଧରି ପଣ୍ୟଗାର ଲାଭରେ ଚାଲିଥିଲା, ବିହାରର କେନ୍ଦ୍ରୀୟ ପଣ୍ୟଗାର ଲସରେ ଚାଲୁଥିବାବେଳେ କେମିତି ଏକ ଲାଭାର୍ଥ ଅନୁଷ୍ଠାନକୁ କେନ୍ଦ୍ର ସରକାର ସ୍ଥାନାନ୍ତରିତ କରିବେ ସେ ନେଇ ପ୍ରଶ୍ନ କରିଛନ୍ତି ଭୁବନେଶ୍ବର ଉତ୍ତର ବିଧାୟକ ସୁଶାନ୍ତ ରାଉତ। ଆଗାମୀ ଦିନରେ ଏ ପ୍ରତିବାଦକୁ ତୀବ୍ରତର କରାଯିବା ନେଇ ସେ କହିଛନ୍ତି ।