ଭୁବନେଶ୍ବର: ଓଡ଼ିଶା ମାଟିର ଝିଅ ଦ୍ରୌପଦୀ ମୁର୍ମୁ ରାଷ୍ଟ୍ରପତି ନିର୍ବାଚନରେ ବିଜୟ ଲାଭ କରି ଦେଶର ପ୍ରଥମ ଆଦିବାସୀ ମହିଳା ଭାବେ ଏହି ସର୍ବୋଚ୍ଚ ପଦରେ ଅଳଙ୍କୃତ କରିବେ । ଆସନ୍ତାକାଲି ଦେଶର ୧୫ତମ ରାଷ୍ଟ୍ରପତି ଭାବେ ଦ୍ରୌପଦୀ ମୁର୍ମୁ ଶପଥ ଗ୍ରହଣ କରିବାକୁ ଯାଉଥିବା ବେଳେ ତାଙ୍କୁ ଭେଟିବା ଲାଗି ଦିଲ୍ଲୀ ଅଭିମୁଖେ ଯାତ୍ରା କଲେ ବିଜେଡ଼ି ସାଂସଦ ଅଚ୍ୟୁତ ସାମନ୍ତ ଓ କେନ୍ଦ୍ରମନ୍ତ୍ରୀ ଅଶ୍ବିନୀ ବୈଷ୍ଣବ ।
କାଲି ଶପଥ ନେବେ ଦ୍ରୌପଦୀ ମୁର୍ମୁ, ଦିଲ୍ଲୀ ଅଭିମୁଖେ BJD ସାଂସଦ ଓ କେନ୍ଦ୍ରମନ୍ତ୍ରୀ
ଆଜି ସନ୍ଧ୍ୟା ସାଢେ ୫ଟା ସମୟରେ ଦିଲ୍ଲୀରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ବରେ ବିଜେଡିର ସମସ୍ତ ସାଂସଦ ନବ ନିର୍ବାଚିତ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ସୌଜନ୍ୟ ମୂଳକ ସାକ୍ଷାତ କରିବେ । କେନ୍ଦ୍ର ରେଳମନ୍ତ୍ରୀ ଆଶ୍ଵିନୀ ବୈଷ୍ଣବ ମଧ୍ୟ ଦିଲ୍ଲୀ ଗସ୍ତ କରିଛନ୍ତି । ଏ ନେଇ କେନ୍ଦ୍ର ରେଳମନ୍ତ୍ରୀ କହିଛନ୍ତି ଯେ, "ଓଡିଆ ମାନଙ୍କ ପାଇଁ ଗର୍ବର କଥା । ଏକ ଛୋଟ ଗ୍ରାମରୁ ସେ ଆଜି ରାଷ୍ଟ୍ରପତି ରୂପେ ପରିଚିତ ହେବେ ।"