ଭୁବନେଶ୍ବର :ସାରା ରାଜ୍ୟ ଏବେକୋରୋନା ମହାମାରୀ କବଳରେ ଥିବାବେଳେ ସରକାରଙ୍କ ଗାଇଡଲାଇନ୍ ଏବେ ମଧ୍ୟ ଜାରି ରହିଛି । ବିବାହ କିମ୍ବା ଶୁଦ୍ଧିକ୍ରିୟା ସବୁଥିରେ ଗାଇଡଲାଇନ୍ ରହିଛି । କିନ୍ତୁ ଚାନ୍ଦବାଲି ବିଜେଡି ବିଧାୟକ ବ୍ୟୋମକେଶ ରାୟ ନିଜ ବିବାହ ଉତ୍ସବରେ ସରକାରଙ୍କ ଗାଇଡଲାଇନକୁ ସମ୍ପୂର୍ଣ୍ଣ ଫୁ କରି ଉଡ଼ାଇ ଦେଇଛନ୍ତି । କିନ୍ତୁ ସରକାରୀ ଦଳର ବିଧାୟକ ହୋଇଥିବା କାରଣରୁ ତାଙ୍କ ପ୍ରତି ଏପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନାହିଁ । ଏପରି ଅଭିଯୋଗ ଆଣିଛି ବିଜେପି ।
ନିକଟରେ ଚିଲିକାରେ ଏକ ହୋଟେଲରେ ବ୍ୟୋମକେଶଙ୍କ ବିବାହ ଉତ୍ସବରେ ଏପରି କିଛି ବ୍ୟତିକ୍ରମ ଦେଖିବାକୁ ମିଳିଥିଲା । ସରକାର ବିବାହ ବ୍ରତ ପାଇଁ ସ୍ଥିର କରିଥିବା କ୍ଷମତା ଠାରୁ ଅଧିକ ଲୋକଙ୍କ ଉପସ୍ଥିତିରେ ବିବାହ କରିଥିଲେ ବିଧାୟକ ବ୍ୟୋମକେଶ । ତେବେ ଏ ସମ୍ପର୍କରେ ଏକ ଭିଡିଓ ମଧ୍ୟ ଭାଇରାଲ ହୋଇଥିଲା । ପରେ ବିଧାୟକ ବ୍ୟୋମକେଶ କୋଭିଡ କଟକଣା ଉଲଙ୍ଘନ ଅଭିଯୋଗକୁ ଖଣ୍ଡନ କରି ଆସିଥିବାବେଳେ ବର୍ତ୍ତମାନ ସୁଦ୍ଧା ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ । ତେବେ ବ୍ୟୋମକେଶ ସରକାରୀ ଦଳର ବିଧାୟକ ହୋଇଥିବା କାରଣରୁ ତାଙ୍କ ବିରୋଧରେ ଏପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନଥିବା ଅଭିଯୋଗ କରିଛି ବିଜେପି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ