ଭୁବନେଶ୍ବର: ଜୁନାଗଡ଼ ଗଣଦୁଷ୍କର୍ମ ଘଟଣାରେ ବିଜେଡି ନେତାଙ୍କ ଲିଙ୍କ ଅଭିଯୋଗକୁ ଖଣ୍ଡନ କରିଛନ୍ତି ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ର । ବିଜେପି ପକ୍ଷରୁ କରାଯାଇଥିବା ଏହି ଅଭିଯୋଗକୁ ଭିତ୍ତିହୀନ ବୋଲି ସେ କହିଛନ୍ତି । ଏହାଛଡା ଘଟଣାକୁ ରାଜନୀତିକରଣ କରାନଯାଉ ବୋଲି ସେ ମତ ରଖିଛନ୍ତି।
ଦିବ୍ୟଶଙ୍କର ଅଭିଯୋଗରେ ପ୍ରତିକ୍ରିୟା ଦେଇ କହିଛନ୍ତି କି ଏହା ଏକ ସମ୍ବେଦନଶୀଳ ଘଟଣା । ପୋଲିସ ତାର ଦାୟିତ୍ବ ଶତ ପ୍ରତିଶତ ନିର୍ବାହ କରୁଛି । ସୂଚନା ଅନୁସାରେ ଗଣଦୁଷ୍କର୍ମ ପୀଡିତାଙ୍କ ବୟାନକୁ ଭିତ୍ତି କରି ଏହି ଘଟଣାରେ ବିଜେଡି ନେତାଙ୍କ ଲିଙ୍କ ଥିବା ବିଜେପି ପକ୍ଷରୁ ଅଭିଯୋଗ କରାଯାଇଥିଲା । ବିଜେପି ନେତ୍ରୀ ଲେଖାଶ୍ରୀ ସାମନ୍ତସିଂହାର ଏହି ଅଭିଯୋଗ କରିଥିଲେ । ଏଥିସହ ପୀଡିତାଙ୍କୁ ଲିଫ୍ଟ ଦେଇଥିବା ଡ୍ରାଇଭର ଲଳିନ୍ଦ୍ର ଶବରକୁ ପୋଲିସ କାହିଁକି ଛାଡିଲା ତାର ଖୁଲାସା କରାଯାଉ ବୋଲି ଲେଖାଶ୍ରୀ ଦାବି କରିଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର