ମୁଖ୍ୟମନ୍ତ୍ରୀଙ୍କୁ ଭେଟିଲେ ପ୍ରଦୀପ ମାଝୀ

ନିକଟରେ ବିଜେଡିରେ ସାମିଲ ହୋଇଛନ୍ତି ପୂର୍ବତନ କଂଗ୍ରେସ ନେତା ପ୍ରଦୀପ ମାଝୀ । ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିଛନ୍ତି ପ୍ରଦୀପ । ଅଧିକ ପଢନ୍ତୁ...

ଭୁବନେଶ୍ବର:ନବୀନ ନିବାସରେ ମୁଖ୍ୟମନ୍ତ୍ରୀଙ୍କୁ ଭେଟିଲେ ପ୍ରଦୀପ ମାଝୀ । ବିଜେଡିରେ ଯୋଗଦେବା ପରେ ଦଳ ସୁପ୍ରିମୋଙ୍କୁ ପ୍ରଦୀପଙ୍କ ପ୍ରଥମ ସାକ୍ଷାତ । ନଭେମ୍ବର ୬ରେ ବିଜେଡିରେ ଯୋଗ ଦେଇଥିଲେ ନବରଙ୍ଗପୁରର ପୂର୍ବତନ ସାଂସଦ ପ୍ରଦୀପ ମାଝୀ ।

ସୋମବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିଛନ୍ତି ସଦ୍ୟ ବିଜେଡିରେ ସାମିଲ ହୋଇଥିବା ପ୍ରଦୀପ ମାଝୀ । ନବୀନ ନିବାସରେ ନବୀନଙ୍କୁ ଭେଟିଛନ୍ତି ପ୍ରଦୀପ । ଦଳରେ ସାମିଲ ହେବା ପରେ ପ୍ରଥମଥର ଲାଗି ଦଳର ସଭାପତିଙ୍କୁ ଭେଟିଛନ୍ତି ପ୍ରଦୀପ । ତେବେ ଏହା ଏକ ସୌଜନ୍ୟମୂଳକ ସାକ୍ଷାତକାର ବୋଲି ଦଳ ପକ୍ଷରୁ କୁହାଯାଇଛି । ଆଜି ସନ୍ଧ୍ୟାରେ ଦଳର ସଭାପତି ନବୀନ ପଟ୍ଟନାୟକଙ୍କୁ ଭେଟିଛନ୍ତି ପ୍ରଦୀପ ମାଝୀ । ଏ ନେଇ ଟ୍ୱିଟ କରି ସୂଚନା ଦେଇଛନ୍ତି ବିଜେଡ଼ିର ରାଜ୍ୟସଭା ସାଂସଦ ସସ୍ମିତ ପାତ୍ର । ସସ୍ମିତ ଲେଖିଛନ୍ତି ଯେ, କିଛିଦିନ ତଳେ ବିଜେଡିରେ ସାମିଲ ହୋଇଛନ୍ତି ବନ୍ଧୁ ତଥା ବଡ଼ ଭାଇ ପ୍ରଦୀପ ମାଝୀ । ଏହି ଟାଣୁଆ ଯୁବ ନେତା ବିଜେଡିରେ ଯୋଗଦାନରେ ଦଳର ଶକ୍ତି ବୃଦ୍ଧି ହୋଇଛି ।

ଭୁବନେଶ୍ବରରୁ ଭବାନୀଶଙ୍କର ଦାସ,ଇଟିଭି ଭାରତ