ଭୁବନେଶ୍ବର: ବିଜେଡି ନିଶାନାରେ କେନ୍ଦ୍ରାପଡା ବିଜେପି ସାଂସଦ ପ୍ରାର୍ଥୀ ବୈଜୟନ୍ତ ପଣ୍ଡା। କେତେବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତ ଆଉ କେତେବେଳେ ଦଳୀୟ ନେତା ଓ ମୁଖପାତ୍ର, କିଛି ନା କିଛି ପ୍ରସଙ୍ଗ ଉଠାଇ ବୈଜୟନ୍ତଙ୍କୁ ଟାର୍ଗେଟ କରୁଛି ଦଳ। କେବଳ ବୈଜୟନ୍ତ ନୁହଁନ୍ତି ବରଂ ତାଙ୍କ ସଂସ୍ଥାକୁ ବି ଟାର୍ଗେଟ କରିଛି ଦଳ ।
ଭିଡିଓ ସୌଜନ୍ୟ- ସମ୍ବାଦଦାତା, ଭୁବନେଶ୍ବର
2014 ନିର୍ବାଚନରେ ସେ ମିଥ୍ୟା ସତ୍ୟପାଠ ଦାଖଲ କରିଥିଲେ ବୋଲି ବିଜେଡି ଏକ ସାମ୍ବାଦିକ ସମ୍ମିଳନୀରେ କହିଛି । ଆବଶ୍ୟକୀୟ ଦସ୍ତାବିଜ ସହ ଦଳ ପ୍ରମାଣ କରିବା ପାଇଁ ଚେଷ୍ଟା କରିଛି କି, ସେ କିପରି ପ୍ରତ୍ୟେକ୍ଷ ଭାବେ ଇମ୍ଫା ସହ ଜଡିତ । ଯଦିଓ ବୈଜୟନ୍ତ କହିଥିଲେ କି ଇମ୍ଫା ପରିଚାଳନା ସହ ତାଙ୍କର କୌଣସି ସମ୍ପର୍କ ନାହିଁ । ତେବେ ବିଜେଡିର କହିବା କଥା, 2014 ମେ ମାସରେ ଇମ୍ଫାର ଯେଉଁ ପରିଚାଳନା ବୋର୍ଡ ବୈଠକ ବସିଥିଲା ସେଥିରେ କମ୍ପାନୀ ପାଇଁ ପାଣ୍ଠି ଯୋଗାଡ଼ କଥା ସେ ନିଶ୍ଚିତ କରିଥିଲେ।