ଭୁବନେଶ୍ବର: ପିପିଲି ଉପ ନିର୍ବାଚନ ନେଇ ଆଜି(ଗୁରୁବାର) ମନ୍ତ୍ରୀ ତଥା ଷ୍ଟାର ପ୍ରଚାରକ ସୁଶାନ୍ତ ସିଂଙ୍କ ସରକାରୀ ବାସଭବନରେ ବସିଛି ବିଜେଡିର ଗୁରୁତ୍ବପୂର୍ଣ୍ଣ ବୈଠକ । ବୈଠକରେ ଦଳର ବରିଷ୍ଠ ନେତା ଓ କିଛି ଷ୍ଟାର ପ୍ରଚାରକ ଉପସ୍ଥିତ ଥିଲେ । ପିପିଲି ଉପନିର୍ବାଚନରେ ପ୍ରଚାର ଲାଗି ଦଳ ରଣନୀତି ପ୍ରସ୍ତୁତ କରୁଛି । ପିପିଲିରେ ପୂର୍ବ ରେକର୍ଡ ଭାଙ୍ଗିବା ନେଇ ବିଜେଡି ଦମ୍ଭୋକ୍ତି କରିଛି । ଏ ନେଇ ଷ୍ଟାଟେଜି ପ୍ରସ୍ତୁତ କରୁଛି ଦଳ ।
ବୈଠକ ପରେ ପ୍ରତିକ୍ରିୟା ରଖିଛନ୍ତି ମନ୍ତ୍ରୀ ସୁଶାନ୍ତ ସିଂ । ପିପିଲିରେ ବିଜେଡିର ସ୍ଥିତି ଭଲ ଅଛି । 20ରୁ ବିଜେଡି ପ୍ରଚାରକୁ ଜୋରଦାର କରିବ । ଗତ ନିର୍ବାଚନରେ ପୂର୍ବତନ ବିଧାୟକ ପ୍ରଦୀପ ମହାରଥୀ ମାତ୍ରାଧିକ ଆତ୍ମବିଶ୍ବାସ ଯୋଗୁଁ କମ୍ ବ୍ୟବଧାନରେ ଜିତି ଥିଲେ । ମାତ୍ର ଆମେ ଏଥର ଓଭର କନଫିଡେନ୍ସ ନାହୁଁ । ଅଧିକ ବ୍ୟବଧାନରେ ଜିତିବା ପାଇଁ ଆମେ କାର୍ଯ୍ୟ କରୁଛୁ । ପିପିଲିରେ ଛୋଟ ଛୋଟ ସଭା ସମିତି କରିବା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ମୁଖ୍ୟମନ୍ତ୍ରୀଙ୍କ ଭର୍ଚୁଆଲ ପ୍ରଚାର କରିବା ନେଇ ଆଲୋଚନା ଚାଲିଛି ।