ଭୁବନେଶ୍ବର: ରାଜ୍ୟର ପୂର୍ବତନ ସାଂସଦ ତଥା ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା ଓ ତାଙ୍କ ପତ୍ନୀ ଜାଗିମଙ୍ଗତ ପଣ୍ଡାଙ୍କ ବିରୋଧରେ ସାଂଘାତିକ ଅଭିଯୋଗ ଆସିଛି । ଦୁହିଁଙ୍କ ମାଲିକାନାରେ ଥିବା କମ୍ପାନୀଗୁଡିକରେ ବ୍ୟାପକ ଆର୍ଥିକ ହେରଫେର ହେଉଥିବାର ଅଭିଯୋଗ ଆଣିଛି ସ୍ବେଚ୍ଛାସେବୀ ସଙ୍ଗଠନ ‘ପାଥ୍’ । ଯାହାକୁ ନେଇ ବୈଜୟନ୍ତଙ୍କୁ ଘେରିଛି ବିଜେଡି ।
ଯାଜପୁର ବିଧାୟକ ପ୍ରଣବ ପ୍ରକାଶ ଦାସ ଓ ରାଜ୍ୟସଭା ସାଂସଦ ଅମର ପଟ୍ଟନାୟକ ଟ୍ବିଟରରେ ବୈଜୟନ୍ତଙ୍କୁ ଘେରିବା ସହ #JayPandaExposed ଲେଖି ଟ୍ବିଟ୍ କରିଛନ୍ତି । ଏହାସହ 2020 ମସିହା ଫେବୃଆରୀ 7ତାରିଖରେ ଦିଲ୍ଲୀ ହାଇକୋର୍ଟ ଏନେଇ ତଦନ୍ତ ନିର୍ଦ୍ଦେଶ ଦେବା ପରେ ବି କାହିଁକି ତଦନ୍ତ ହେଉନାହିଁ ବୋଲି ସେମାନେ ପ୍ରଶ୍ନ କରିଛନ୍ତି । ଯାହା ବୈଜୟନ୍ତଙ୍କୁ ଅଡୁଆରେ ପକାଇଛି ।
ଟ୍ବିଟ୍ରରେ ସବୁବେଳେ ସକ୍ରିୟ ଥିବା ବୈଜୟନ୍ତଙ୍କୁ ଦଳ ଟ୍ବିଟ୍ରେ ହିଁ ଘେରିଛି । ସ୍ଥିତି ଏପରି ହୋଇଛି ଯେ, #JayPandaExposed ଟ୍ରେଣ୍ଡ କରୁଥିବା ଦେଖାଦେଇଛି ।