ଭୁବନେଶ୍ବର: ଏଥର ମଧ୍ୟ ପିତୃପୁରୁଷଙ୍କୁ ପିଣ୍ଡଦାନରେ କଣ୍ଟାସାଜିଲା କୋଭିଡ ମହାମାରୀ । ସଂକ୍ରମଣକୁ ଦୃଷ୍ଟିରେ ରଖି ବିନ୍ଦୁସାଗରରେ ପିଣ୍ଡଦାନ ଉପରେ ରୋକ୍ ଲଗାଯାଇଥିବାରୁ ଘରେ ପିତୃପୁରୁଷଙ୍କୁ ପିଣ୍ଡ ଦେଉଛନ୍ତି ଲୋକେ । ମାତ୍ର କେତେକ ଲୋକେ ରାସ୍ତାଘାଟରେ ପିଣ୍ଡ ଦେଉଥିବା ଖବର ପାଇ ଘଉଡାଉଛି ପୋଲିସ ।
ବିନ୍ଦୁ ସାଗରରେ ପିଣ୍ଡଦାନ ମନା, ରାସ୍ତାରୁ ଲୋକଙ୍କୁ ଘଉଡାଉଛି ପୋଲିସ
ଆଜି(ବୁଧବାର) ଆଶ୍ଵିନ କୃଷ୍ଣପକ୍ଷ ଅମାବାସ୍ୟା ତିଥି । ପିତୃପକ୍ଷର ଶେଷ ଦିନ । ପବିତ୍ର ମହାଳୟା ଶ୍ରାଦ୍ଧ ଅବସରରେ ପିତୃପୁରୁଷଙ୍କୁ ପିଣ୍ଡଦାନ କରିବାର ପରମ୍ପରା ରହିଛି । ଆଜିର ଦିନରେ ବିନ୍ଦୁସାଗରରେ ପିଣ୍ଡଦାନ ପାଇଁ ହଜାର ହଜାର ଶ୍ରଦ୍ଧାଳୁଙ୍କ ଭିଡ଼ ଜମିଥାଏ । କାରଣ ପୁରାଣରେ ବିଶ୍ୱାସ ରହିଛି ପିଣ୍ଡଦାନ ଶ୍ରାଦ୍ଧ ପକାଇଲେ ପିତୃପୁରୁଷ ଆଶୀର୍ବାଦ ଦିଅନ୍ତି । ତେବେ ସଂକ୍ରମଣ ଆଶଙ୍କା କରି ବିନ୍ଦୁସାଗରରେ ଶ୍ରାଦ୍ଧକୁ ବାରଣ କରାଯାଇଛି ।