ଭୁବନେଶ୍ବର: ପାଟକୁରା ନିର୍ବାଚନ ପାଇଁ କଂଗ୍ରେସ ବିଧାୟକ ତାରା ପ୍ରସାଦ ବାହିନୀ ଦେଇଥିବା ବୟାନକୁ ପରୋକ୍ଷରେ ସମର୍ଥନ କରିଛନ୍ତି ପାଟକୁରା ବିଜେପି ପ୍ରାର୍ଥୀ ବିଜୟ ମହାପାତ୍ର । ବିଜେଡି ଓ ବିଜେପି ମଧ୍ୟରେ ଭିତିରି ବୁଝାମଣା ହୋଇଥିବା ତାରା ଦେଇଥିବା ବୟାନ ଉପରେ ବିଜୟ ନିଜର ପ୍ରତିକ୍ରିୟା ରଖି କହିଛନ୍ତି, ବିଜେପି କେବେ ବିଜେଡି ପ୍ରାର୍ଥୀଙ୍କୁ ସମର୍ଥନ କରିବ ନାହିଁ ବଂର ବିଜେଡି କରିପାରେ ।
ଯେହେତୁ କିଛି ଦିନ ପୂର୍ବେ ବିଜେପି ରାଜ୍ୟସଭା ପ୍ରାର୍ଥୀଙ୍କୁ ବିଜେଡି ସମର୍ଥନ କରିଥିଲା । ଏବେ ଏହାର ପୁନରାବୃତ୍ତି ହୋଇପାରେ ବୋଲି ବିଜୟ କହିଛନ୍ତି । ଏହା ସହ କେନ୍ଦ୍ରାପଡାରେ ବିଜେଡି ନେତା ଡେରା ପକାଇଥିବା ପ୍ରଶ୍ନର ଉତ୍ତରରେ ସେ କହିଛନ୍ତି, ନେତା ମାନେ କେଉଁଠି ଡେରା ପକାଇଛନ୍ତି ମୁଁ ଦେଖିବାକୁ ପାଇନି । ସେମାନେ ବୁଲୁଥିବେ କିମ୍ବା ନିଜ ସମ୍ପର୍କୀୟଙ୍କ ଘରେ ଥିବେ । ପାଟକୁରାବାସୀ ବହୁତ ସ୍ୱାଭିମାନୀ । ସେମାନେ ଭୁଲ ନିଷ୍ପତ୍ତି ନେବେ ନାହିଁ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ