ଭୁବନେଶ୍ବର: କିଛି ଦିନ ମୁରବୀ ଶୂନ୍ୟ ରହିବା ପରେ ମଙ୍ଗଳବାର ବିଜୁ ଯୁବ ବାହିନୀର ନୂଆ ମୁଖିଆ ଦାୟିତ୍ବ ଗ୍ରହଣ କରିଛନ୍ତି। ପୂର୍ବରୁ ଅରୂପ ପଟ୍ଟନାୟକଙ୍କ ଇସ୍ତଫା ପରେ ଦୀର୍ଘ ଦିନ ପର୍ଯ୍ୟନ୍ତ ଖାଲି ପଡିଥିଲା ଏହି ପଦବୀ । ଯାହାକୁ ଏବେ ପୂରଣ କରିଛନ୍ତି ବିଜେଡିର ସାଧାରଣ ସମ୍ପାଦକ ତଥା ଯୁବ ନେତା ବିଜୟ ନାୟକ ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ସୂଚନା ଅନୁଯାୟୀ ନିର୍ବାଚନ ପୂର୍ବରୁ ବିଜୁ ଯୁବ ବାହିନୀର ଅଧ୍ୟକ୍ଷ ଥିବା ମୁମ୍ବାଇର ପୋଲିସ କମିଶନର ତଥା ଓଡ଼ିଆ ପୁଅ ଅରୂପ ପଟ୍ଟନାୟକ ନିର୍ବାଚନ ଲଢ଼ିବା ପାଇଁ ନିଜ ପଦବୀରୁ ଇସ୍ତଫା ଦେଇଥିଲେ। ଏହା ପରଠାରୁ ପଦବୀ ଖାଲି ପଡିଥିଲା। କିଛି ଦିନ ପୂର୍ବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଭିନ୍ନ ନିଗମ ଓ କମିଶନର ଅଧ୍ୟକ୍ଷମାନଙ୍କ ନାମ ଘୋଷଣା କରିଥିଲେ। ଯେଉଁଥିରେ ଅଧ୍ୟକ୍ଷ ପଦ ପାଇଁ ସେ ଯୁବ ନେତା ବିଜୟ ନାୟକଙ୍କ ଉପରେ ଆସ୍ଥା ପ୍ରକଟ କରି ତାଙ୍କ ନାମ ଘୋଷଣା କରିଥିଲେ।