ଭୁବନେଶ୍ବର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ଭୁରିଭୁୁରି ପ୍ରଂଶସା । ନୀତିଶ କୁମାର ନବୀନଙ୍କ ଉପରେ ଲେଖଛନ୍ତି, ସେ ଜଣେ ସଫଳ ପ୍ରଶାସକ ଭାବେ ବିଭିନ୍ନ କ୍ଷେତ୍ରରେ ସଫଳ। ନବୀନ ରାଜ୍ୟରେ ଶାସନ କ୍ଷେତ୍ରରେ ଏକ ବଡ ପରିବର୍ତ୍ତନ ମଧ୍ୟ ଆଣିବାରେ ସଫଳ ହୋଇଛନ୍ତି । ଓଡିଶା ଏକ ଉପକୂଳବର୍ତ୍ତୀ ରାଜ୍ୟ ହୋଇ ଥିବାବେଳେ ବିପର୍ଯ୍ୟୟ ପରିଚାଳନା କ୍ଷେତ୍ରରେ ନବୀନ ବେଶ ପ୍ରଭାବଶାଳୀ ଭାବେ ନିଜ ଦକ୍ଷତାର ପରିଚୟ ଦେଇଛନ୍ତି । ସେହପରି କ୍ରୀଡା ଓ ପର୍ଯ୍ୟଟନ କ୍ଷେତ୍ରରେ ମଧ୍ୟ ଭିତ୍ତିଭୂମି ସୁଦୃଢୀକରଣରେ ନବୀନଙ୍କ ପ୍ରଦର୍ଶନ ଖୁବ ପ୍ରଶଂସନୀୟ । ସେ ଜଣେ ଭିନ୍ନ ରାଜନେତା ବୋଲି ମଧ୍ୟ ନୀତିଶ ତାଙ୍କ ଲେଖାରେ ଉଲ୍ଲେଖ କରିଥିବା ଦେଖିବାକୁ ମିଳିଛି ।
ନୀତିଶଙ୍କ ପ୍ରଶଂସା ପରେ ନବୀନ ମଧ୍ୟ ତାଙ୍କୁ ପ୍ରତିଉତ୍ତରରେ ଧନ୍ୟବାଦ ଦେଇଛନ୍ତି । ନବୀନ ପ୍ରତିଉତ୍ତରରେ ଲେଖିଛନ୍ତି ସାଢେ 4 କୋଟି ଓଡିଆ ମୋ ପରିବାର । ସେମାନେ ଦୀର୍ଘ 2 ଦଶନ୍ଧି ଧରି ଆର୍ଶୀବାଦ ସହ ତାଙ୍କ ସେବା କରିବାକୁ ସୁଯୋଗ ଦେଇ ଆସିଛନ୍ତି । ସେମାନଙ୍କ ସେବା ହିଁ ମୋର ସର୍ବୋଚ୍ଚ ପ୍ରାଥମିକତା ବୋଲି ନବୀନ କହିଛନ୍ତି।