ଭୁବନେଶ୍ବର:ସାଇକେଲ ଚାଳକଙ୍କୁ ଧକ୍କା ଦେଲା 'ମୋ ବସ' । ବସକୁ ଅଟକାଇ ଚଳାଚଳ ବନ୍ଦ କଲେ ସ୍ଥାନୀୟ ଲୋକେ । ଫଳରେ ଭୁବନେଶ୍ୱରରୁ କଟକ ଯାଉଥିବା 'ମୋ ବସ' ସେବା ବାଧାପ୍ରାପ୍ତ ହୋଇଛି । ତ୍ରିଶୁଳିଆ ଦେଇ ଯାତାୟତ କରୁଥିବା ସମସ୍ତ ରୁଟର ବସକୁ ନନ୍ଦନକାନନ ରଘୁନାଥପୁର ଠାରେ ଅଟକି ରହିଛି ।
ମିଳିଥିବା ସୂଚନା ଅନୁଯାୟୀ, ଆଜି ସକାଳ ସମୟରେ କଟକ ଅଭିମୁଖେ 'ମୋ ବସ' ଯାଉଥିବା ବେଳେ ରଘୁନାଥ ପୁରରେ ଜଣେ ସାଇକେଲ ଚାଳକଙ୍କୁ ଧକ୍କା ଦେଇଥିଲା । ଫଳରେ ସ୍ଥାନୀୟ ଲୋକେ ବସଟିକୁ ଅଟକାଇ ଥିଲେ । ଏହାପରେ ସେହି ରୁଟରେ ଯାଉଥିବା ସମସ୍ତ 'ମୋ ବସ'କୁ ନନ୍ଦନକାନନ ନିକଟରେ ଅଟକାଇଥିଲେ ସ୍ଥାନୀୟ ଲୋକେ । ଘଟଣାସ୍ଥଳରେ ପୋଲିସ ପହଞ୍ଚି ବୁଝାସୁଝା କରିଥିଲେ ମଧ୍ୟ ମୋ ବସ କର୍ତ୍ତୃପକ୍ଷ ଆଲୋଚନା କରନ୍ତୁ ବୋଲି ଅଡି ବସିଛନ୍ତି ରଘୁନାଥପୁର ସ୍ଥାନୀୟ ଲୋକେ । ତେବେ କେବଳ 'ମୋ ବସ' ସେବାକୁ ଛାଡି ବାକି ସମସ୍ତ ବସ ଯାତାୟତ ଜାରି ରହିଛି । ଏପର୍ଯ୍ୟନ୍ତ ବସ ଚଲାଚଳ ସ୍ବାଭାବିକ ହୋଇଛି ନା ନାହିଁ ସେନେଇ କିଛି ସୂଚନା ହସ୍ତଗତ ହୋଇନାହିଁ ।
