ଭୁବନେଶ୍ବର:କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆଙ୍କୁ ଭେଟିଲେ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ। ନିକଟରେ ଭୁବନେଶ୍ବରରୁ ନୂତନ ବିମାନ ଚଳାଚଳ ନେଇ ଘୋଷଣା କରିଥିଲେ କେନ୍ଦ୍ରମନ୍ତ୍ରୀ ।
ସୋମବାର ଭୁବନେଶ୍ଵର ସାଂସଦ ଅପରାଜିତା ଷଡଙ୍ଗୀ ଆଜି ଦିଲ୍ଲୀରେ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆଙ୍କୁ ଭେଟିଛନ୍ତି। ଭୁବନେଶ୍ବରବାସୀଙ୍କ ପକ୍ଷରୁ ସେ ଭୁବନେଶ୍ବରରୁ ଜୟପୁର ଏବଂ ଭୁବନେଶ୍ବରରୁ ଗୋଆ ପର୍ଯ୍ୟନ୍ତ ଇଣ୍ଡିଗୋ ବିମାନ ଚଳାଚଳ ପାଇଁ ଅନୁମତି ପାଇଁ ଧନ୍ୟବାଦ ଜଣାଇଛନ୍ତି। ଯଥାକ୍ରମେ 2 ନଭେମ୍ବର ଏବଂ 1 ଡିସେମ୍ବର, 2021 ମଧ୍ୟରେ ଏହା କାର୍ଯ୍ୟକାରୀ ହେବ। ଏହା ସହିତ ଅପରାଜିତା କେନ୍ଦ୍ରମନ୍ତ୍ରୀଙ୍କ ସହ ବିଭିନ୍ନ ପ୍ରସଙ୍ଗରେ ଆଲୋଚନା କରିଥିଲେ।