ରାଜଧାନୀ ପ୍ରତିଷ୍ଠା ଦିବସକୁ ନଡାକିବା ଘଟଣା, ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଲେ ଅପରାଜିତା

ରାଜଧାନୀ ଭୁବନେଶ୍ବର ଆଜି ପାଳନ କରୁଛି 74 ତମ ସ୍ଥାପନା ଦିବସ । ଏଥିପାଇଁ ରାଜ୍ୟ ସରକାର ଭବ୍ୟ କାର୍ଯ୍ୟକ୍ରମ ମଧ୍ୟ ଆୟୋଜନ କରିଛନ୍ତି । ଏଥିରେ ନେତା, ମନ୍ତ୍ରୀ, ସଚିବ, କର୍ମଚାରୀଙ୍କୁ ସାମିଲ ହେବାକୁ ନିମନ୍ତ୍ରଣ ଦିଆଯାଇଥିଲା । କିନ୍ତୁ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀଙ୍କୁ ନିମନ୍ତ୍ରଣ କରାଯାଇ ନାହିଁ । ଏହାକୁ ନେଇ ସାଂସଦ ଅପରାଜିତା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚିଠି ଲେଖିଛନ୍ତି । ଅଧିକ ପଢନ୍ତୁ

ଭୁବନେଶ୍ବର: ରାଜଧାନୀ ଭୁବନେଶ୍ବର ଆଜି ପାଳନ କରୁଛି 74 ତମ ସ୍ଥାପନା ଦିବସ । ଏଥିପାଇଁ ରାଜ୍ୟ ସରକାର ଭବ୍ୟ କାର୍ଯ୍ୟକ୍ରମ ମଧ୍ୟ ଆୟୋଜନ କରିଛନ୍ତି । ଏଥିରେ ନେତା, ମନ୍ତ୍ରୀ, ସଚିବ, କର୍ମଚାରୀଙ୍କୁ ସାମିଲ ହେବାକୁ ନିମନ୍ତ୍ରଣ ଦିଆଯାଇଥିଲା । କିନ୍ତୁ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀଙ୍କୁ ନିମନ୍ତ୍ରଣ କରାଯାଇ ନାହିଁ । ଏହାକୁ ନେଇ ସାଂସଦ ଅପରାଜିତା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚିଠି ଲେଖିଛନ୍ତି ।

ଅପରାଜିତା ଚିଠିରେ ଦର୍ଶାଇଛନ୍ତି ଯେ, ଭୁବନେଶ୍ବର ସ୍ଥାପନା ଦିବସ କାର୍ଯ୍ୟକ୍ରମକୁ ତାଙ୍କୁ ନିମନ୍ତ୍ରଣ ନଦେବା ସାମ୍ବିଧାନିକ ପଦବୀ ପ୍ରତି ଅସମ୍ମାନ । ଭୁବନେଶ୍ବରର ଲୋକପ୍ରତିନିଧି ଭାବେ ନିମନ୍ତ୍ରଣ ପାଇବା ତାଙ୍କ ଅଧିକାର ରହିଛି ।

ରାଜଧାନୀ ପ୍ରତିଷ୍ଠା ଦିବସକୁ ନଡାକିବା ଘଟଣା, ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଲେ ଅପରାଜିତା

କିନ୍ତୁ ଭୁବନେଶ୍ବର ପ୍ରତିଷ୍ଠା ଦିବସ କାର୍ଯ୍ୟକ୍ରମରେ ତାଙ୍କୁ ନିମନ୍ତ୍ରଣ କରାନଯିବା ଅଶୋଭନୀୟ । ତାଙ୍କୁ ନିମନ୍ତ୍ରଣ କରାନଯିବା ଘଟଣାର ତଦନ୍ତ କରି ଏଥିପାଇଁ ଯେଉଁମାନେ ଦାୟୀ ତାଙ୍କୁ ଚିହ୍ନଟ କରିବାକୁ ଅପରାଜିତା ଦାବି କରିଛନ୍ତି । ଏହାସହ ଅପରାଜିତା ଲେଖିଛନ୍ତି ଯେ ଆମର ରାଜନୈତିକ ବିଚାରଧାରା ଭିନ୍ନ ଭିନ୍ନ ହୋଇପାରେ କିନ୍ତୁ ଲୋକପ୍ରତିନିଧି ଭାବରେ ସୌଜନ୍ୟତା ଦୃଷ୍ଟିରୁ ରାଜ୍ୟ ସରକାର ନିମନ୍ତ୍ରଣ ଦେବାର ଥିଲା । ଆଶା କରିବି ସରକାର ଚିଠିର ଉତ୍ତର ରଖିବେ ।

ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ