ଭୁବନେଶ୍ବର: ସ୍ୱଚ୍ଛତା ଓ ଖାଦ୍ୟର ମାନ ପରଖିବାକୁ ପୂଜା ମଣ୍ଡପ ବୁଲିଲେ ଭୁବନେଶ୍ୱର ମେୟର । ରାଜଧାନୀ ଭୁବନେଶ୍ୱରରେ ମାଙ୍କ ପୂଜାକୁ ନେଇ ସବୁଠି ଲାଗିଛି ପୂଜାର୍ଚ୍ଚନା ଓ ଭକ୍ତଙ୍କ ଭିଡ । ଆଉ ଏହି ଭିଡ ଭିତରେ ଲୋକଙ୍କ ଗହଳିକୁ ନେଇ ପୂଜା ମଣ୍ଡପରେ ମେଳା ସହ ଖାଦ୍ୟର ପସରା ଜମିଛି ।
ଆଉ ଲୋକଙ୍କ ଭିଡ ଥିବାରୁ ଏହି ସବୁ ଭିଡ ସ୍ଥାନରୁ ଅନେକ ଲୋକ ଖାଦ୍ୟ ଖାଇଥାନ୍ତି । ଆଉ ଏହାର ଫାଇଦା ନେଇଥାନ୍ତି ବ୍ୟବସାୟୀ । ଲୋକଙ୍କୁ ଅପମିଶ୍ରଣ ଓ ରଙ୍ଗଯୁକ୍ତ ଖାଦ୍ୟ ଦେଇଥାନ୍ତି । ତେଣୁ ଲୋକଙ୍କୁ ଦିଆଯାଉଥିବା ଖାଦ୍ୟ ହାଇଜେନିକ ବା ସ୍ୱାସ୍ଥ୍ୟକର କି ନୁହେଁ ଏନେଇ ରଜଧାନୀର ସବୁ ମଣ୍ଡପକୁ ବୁଲିଲେ ଭୁବନେଶ୍ୱର ମେୟର । ଆଉ ସାଙ୍ଗରେ ଥିଲେ ଫୁଡ ଇନିସ୍ପେକଟର ଓ ବିଭିନ୍ନ ବିଭାଗର ଅଧିକାରୀ ।