ଭୁବନେଶ୍ବର:ରାଜ୍ୟରେ ବଢୁଥିବା ବିଦ୍ୟୁତ ଦର ପ୍ରତିବାଦରେ ଏପ୍ରିଲ 6 ତାରିଖରେ ଭୁବନେଶ୍ୱର ଜିଲ୍ଲା କଂଗ୍ରେସ ପକ୍ଷରୁ ଓଇଆରସି ଅଫିସ ସାମ୍ନାରେ ବିକ୍ଷୋଭ ପ୍ରଦର୍ଶନ କରାଯିବ । ଆଜି (ଗୁରୁବାର) କଂଗ୍ରେସ ଭବନରେ ଭୁବନେଶ୍ୱର ଜିଲ୍ଲା କଂଗ୍ରେସ ପକ୍ଷରୁ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ସୂଚନା ଦେଇଛି ଦଳ ।
ବିଦ୍ୟୁତ ଦର ବୃଦ୍ଧି ପ୍ରତିବାଦ: ଆସନ୍ତା 6 ରେ କଂଗ୍ରେସର ଆନ୍ଦୋଳନ
ଏହା ସହ ବିଦ୍ୟୁତ ଦର ବୃଦ୍ଧି ପ୍ରତିବାଦରେ ଆସନ୍ତା 4 ତାରିଖ ସନ୍ଧ୍ୟା 6.30 ରୁ 7 ଯାଏ ଅଧାଘଣ୍ଟା ପର୍ଯ୍ୟନ୍ତ ସମସ୍ତ ବୈଦ୍ୟୁତିକ ସାମଗ୍ରୀ ବନ୍ଦ କରି ପ୍ରତିବାଦ କରିବାକୁ ଦଳ ପକ୍ଷରୁ ସ୍ଥିର କରାଯାଇଛି । ରାଜ୍ୟ ସରକାର ଯେଉଁ ୟୁଜର ଫି ଆଦାୟ କରାଯାଉଛି ତାହାକୁ ଭୁବନେଶ୍ୱର ଜିଲ୍ଲା କଂଗ୍ରେସ ପକ୍ଷରୁ ବିରୋଧ କରାଯାଉଛି । ଅନେକ ସ୍ଥାନରେ ଏହି ଫି ବିରୋଧରେ ଜନ ଅସନ୍ତୋଷ ଦେଖା ଗଲାଣି । ଆଗାମୀ ଦିନରେ ରାଜଧାନୀବାସୀ ଏକ ହୋଇ ଏହା ବିରୋଧରେ ସ୍ୱର ଉତୋଳନ କରିବାକୁ ଆହ୍ବାନ ଦେଇଛନ୍ତି ଦଳର ବରିଷ୍ଠ ନେତା ପଞ୍ଚାନନ କାନୁନଗୋ ।