ଭୁବନେଶ୍ବର:ଦଳ ହୋଇ ଘରେ ପଶୁଥିଲେ, ଏକାଥରେ ୩ ରୁ ୪ ଗାଡି ଚୋରି କରୁଥିଲେ । ଇନଫୋ ଭ୍ୟାଲି, ମଞ୍ଚେଶ୍ବର, ଜଟଣି, ଭରତପୁର ଥାନା ଅଞ୍ଚଳରେ ଲୋକଙ୍କ ନିଦ ହଜାଉଥିବା ଏହି ବାଇକ ଚୋର ଗ୍ୟାଙ୍ଗକୁ ଧରିଛି କମିଶନରେଟ ପୋଲିସ । ୩୦ ଟି ଚୋରା ବାଇକ ଜବତ କରିବା ସହ ୬ ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ ।
ଲୋକଙ୍କ ନିଦ ହଜାଉଥିଲା ଲୁଟେରା ଗ୍ୟାଙ୍କ, କାବୁ କଲା କମିଶନରେଟ ପୋଲିସ
ଏଥିସହ ଚୋରି ଗାଡି କିଣୁଥିବା ୨ ଜଣ ରିସିଭରଙ୍କୁ ମଧ୍ୟ ଗିରଫ କରାଯାଇଛି । ତେବେ ଏମାନେ ବିଶେଷ କରି ରାତି ସମୟରେ ସହରର ଉପକଣ୍ଠରେ ବୁଲୁଥିଲେ । ନିଛାଟିଆ ଆଢୁଆଳ ଦେଖି ଘରେ ପଶୁଥିଲେ । ଗ୍ରିଲ ତାଡି ୩ ରୁ ୪ ଗାଡି ଚୋରି କରୁଥିଲେ । ଏହିପରି ଭାବରେ ଫେବୃଆରୀ ଓ ମାର୍ଚ୍ଚ ମାସରେ ଏହି ଗ୍ୟାଙ୍କ ଅଧିକ ଚୋରି କରୁଥିଲେ ।