ଭୁବନେଶ୍ବର: ଧରା ଶ୍ରାବଣରେ ପିଟିଲା ଖରା । ବର୍ଷା ପାଇଁ ଲୋକେ ହାହାକାର ହେଲେ । ଚାଷ ଜମି ଫାଟି ଆଁ କରିଲା । ତଳି ଜଳିଯିବା ସ୍ଥିତି ଉପୁଜିଲା । ରୁଆ ବେଷସା ପୁରା ଠପ ହୋଇପଡିଥିଲା । ଆଉ ଏବେ ଏମିତି ବର୍ଷା ଛେଚୁଛି ଯେ ଲୋକେ ତ୍ରାହି ତ୍ରାହି ଡାକୁଛନ୍ତି । ଉପକୂଳରୁ ଉପାନ୍ତ, ଦକ୍ଷିଣରୁ ପଶ୍ଚିମ ସବୁଠି ପାଣି ପାଣି ।
ଚଳିତ ବର୍ଷ ବର୍ଷା ଭାଙ୍ଗିଛି ଅନେକ ରେକର୍ଡ । ରାଜଧାନୀ ଭୁବନେଶ୍ବରରେ ୬୩ ବର୍ଷର ରେକର୍ଡ ଭାଙ୍ଗିଥିବା ବେଳେ ଶ୍ରୀକ୍ଷେତ୍ର ପୁରୀରେ ବି ଭାଙ୍ଗିଛି ୮୭ ବର୍ଷର ରେକର୍ଡ । ଗତକାଲି(ରବିବାର) ସକାଳ ୮ ଟାରୁ ଆଜି (ସୋମବାର) ସକାଳ ୮ ପର୍ଯ୍ୟନ୍ତ ୨୪ ଘଣ୍ଟା ମଧ୍ୟରେ ରାଜଧାନୀ ଭୁବନେଶ୍ବରରେ ୧୯୫ ମିଲିମିଟର, ପାରାଦୀପରେ ୨୧୯ ମିଲିମିଟର, ପୁରୀରେ ୩୧୪, ଗୋପାଳପୁରରେ ୬୪ ମିଲିମିଟର, ଚାନ୍ଦବାଲିରେ ୪୬ ମିଲିମିଟର, ବାଲେଶ୍ବରରେ ୨୪ ମିଲିମିଟର, ବର୍ଷା ରେକର୍ଡ କରିଛି ଭୁବନେଶ୍ବର ଆଞ୍ଚଳିକ ପାଣିପାଗ କେନ୍ଦ୍ର ।
ପ୍ରବଳ ବର୍ଷା ପାଇଁ ପାରାଦୀପ, ଗୋପାଳପୁର ଓ ପୁରୀ ସମୁଦ୍ର ଅଶାନ୍ତ ହୋଇପଡିଛି । କଟକ ସହର ଜଳବନ୍ଦୀ ହୋଇଛି । ଭୁବନେଶ୍ବରର ଘରେ ଘରେ ପାଣି ଲହଡି ଭାଙ୍ଗୁଛି । ଏତଦ ବ୍ୟତୀତ କଟକ ଭୁବନେଶ୍ବର ଓ ପୁରୀର ତଳିଆ ଅଞ୍ଚଳରେ ପାଣି ଜମି ରହିଛି । ସେହିପରି କେନ୍ଦ୍ରାପଡାରେ ଲଗାଣ ଯୋଗୁଁ କାନ୍ଥ ଭୁଷୁଡି ଦୁଇ ଜଣଙ୍କ ମୃତ୍ୟୁ ହୋଇଛି। ମୃତକ ଦ୍ବୟ ହେଲେ ପାଟପୁରା ବଡବେତରା ଗ୍ରାମର ସନା ମହାପାତ୍ର ଓ ନିକିରାଇ ବେଣୀପୁର ଗ୍ରାମର ନର୍ମଦା ପୃଷ୍ଟି ।
କଣ କହୁଛି ଆଞ୍ଚଳିକ ପାଣିପାଗ କେନ୍ଦ୍ର....