ଭୁବନେଶ୍ବର: ସରିଛି ଜଗତ ଜନନୀ ମା ଦୁର୍ଗାଙ୍କ ପୂଜା । ଏବେ ସମୟ ବିଦାୟ ନେବାର । ଆଜି ମା ବିଦାୟ ନେଉଛନ୍ତି ଧରାପୃଷ୍ଠରୁ । ଶୋଭାଯାତ୍ରାରେ ବିଦାୟ ନେଉଛନ୍ତି ମା । ସେଥିପାଇଁ ଦ୍ବୈତ ନଗରରେ ପ୍ରବଳ ଭିଡ । ସୁରକ୍ଷା ଓ ସର୍ବସାଧାରଣଙ୍କ ସୁବିଧାକୁ ଦୃଷ୍ଟିରେ ରଖି କମିସନରେଟ ପୋଲିସ ଜାରି କରିଛି ସ୍ବତନ୍ତ୍ର ନିର୍ଦ୍ଦେଶାବଳୀ ।
ନିର୍ଦ୍ଦେଶନାମାନୁସାରେ ରାଜଧାନୀ ଭୁବନେଶ୍ବରର 3ଟି ସ୍ଥାନରେ ହେବ ଭସାଣୀ ଉତ୍ସବ । ସହିଦ ନଗର ରୂପାଲୀ ଛକ, ନୟାପଲ୍ଲୀଓ ଉତ୍ତର ଭୁବନେଶ୍ବରର ଚନ୍ଦ୍ରଶେଖର ପୁର ଠାରେ ହେବ ଭଷାଣୀ ଶୋଭାଯାତ୍ର । ଯେଉଁଥିପାଇଁ ଏହି ସମସ୍ତ ଅଞ୍ଚଳରେ ଟ୍ରାଫିକ କଟକଣା ଜାରି କରାଯାଇଛି । ବାଣୀବିହାରରୁ ରୁପାଲି ଅଭିମୁଖେ ଯାଉଥିବା ସମସ୍ତ ଯାନବାହାନକୁ ଆଚାର୍ଯ୍ୟ ବିହାର ରୋଡ ଦେଇ ଏଜି ସ୍କୋୟାର ମାର୍ଗ ଦେଇ ଯିବା ଆସିବା କରିବେ । ନୟାପଲ୍ଲୀରୁ ସିଆରପି ମଧ୍ୟ ଦେଇ ଯିବାକୁ ଚାହୁଁଥିବା ଲୋକ ଜୟଦେବ ବିହାରରୁ ଡାହାଣକୁ ଯାଇ ବିଜୁପଟ୍ଟନାୟକ କଲେଜ ଦେଇ ଏକାମ୍ର ପାର୍କ ଦେଇ ସିଆରପିରେ ବାହାରିବେ ।