ଭୁବନେଶ୍ବର: ବ୍ରହ୍ମପୁର ବସ ଟ୍ରାଜେଡିକୁ ନେଇ ଚାଲିଛି ଦୋଷ ଲଦାଲଦି । ପାଓ୍ବାର କରିଡରରେ ବସୁଛି ଘନଘନ ବୈଠକ । ବିଦ୍ୟୁତ ହେଉକି ପରିବହନ ବିଭାଗ, କେହିବି ଦୋଷ ମୁଣ୍ଡାଇବାକୁ ନାରାଜ । ଘଟଣାରେ ପରିବହନ ବିଭାଗ ଶକ୍ତି ବିଭାଗ ଉପରେ ଦୋଷ ଲଦୁ ଥିବାବେଳେ, ନିଜ ଉପରେ ଲାଗିଥିବା ଦୋଷକୁ ଗ୍ରାମ୍ୟ ଉନ୍ନୟନ ବିଭାଗକୁ ଠେଲିଛି ସାଉଥ୍କୋ । ସେପଟେ ଶକ୍ତି ବିଭାଗ ସାଉଥକୋ ଜେଇ ଦେବାଶିଷ ନାୟକ ଓ ଏସଡିଓ ବିଶ୍ଵରଞ୍ଜନ ମହାପାତ୍ର ଏବଂ ବ୍ରହ୍ମପୁର ଗ୍ରାମ୍ୟ ଉନ୍ନୟନ ବିଭାଗର ଜେଇ ଓ ଏସଡିଓଙ୍କୁ ନିଲମ୍ବିତ କରିଛି ।
ବ୍ରହ୍ମପୁର ବସ ଟ୍ରାଜେଡି: ଶକ୍ତି ଓ ପରିବହନ ବିଭାଗର ଦୋଷ ଲଦାଲଦି
ଏପଟେ ବସ୍ ଟ୍ରାଜେଡି ପରେ ସେସେରୁ ପ୍ରସ୍ତାବକୁ ନେଇ ଚର୍ଚ୍ଚା । ବିଦ୍ୟୁତ ଆଘାତରେ ଲୋକଙ୍କର ମୃତ୍ୟୁ ହେଲେ ଉପଭୋକ୍ତା ହିଁ ଦେବେ କ୍ଷତିପୂରଣ । ଏନେଇ ଏକ କର୍ପସ ଫଣ୍ଡ ଗଠନ କରାଯିବାକୁ ଓଇଆରସି ନିକଟରେ ପ୍ରସ୍ତାବ ରଖିଛି ସେସୁ । ଉପଭୋକ୍ତାଙ୍କ ମାସିକ ବିଦ୍ୟୁତ ବିଲରେ ଅଧିକ 1 ଟଙ୍କା ଆଦାୟ କରାଯାଇ ଫଣ୍ଡ୍ରେ ଜମା କରାଯିବାକୁ ସେସୁ କହିଛି ।