ଭୁବନେଶ୍ବର:ସ୍ମାର୍ଟସିଟିରେ ସ୍ମାର୍ଟ ଚୋର । ଆସୁଥିଲେ ସିଧା ସାଧା ବେଶରେ । ଚୋରି କରୁଥିଲେ ସ୍ମାର୍ଟସିଟି ପ୍ରୋଜେକ୍ଟ ବ୍ୟାଟେରୀ । କହୁଥିଲେ ମରାମତି ପାଇଁ ଚାଲିଛି କାମ । ଏଇଭଳି ଢଙ୍ଗରେ ସ୍ମାର୍ଟ ସିଟିର ପ୍ରୋଜେକ୍ଟରେ ଅନେକ ବ୍ଯାଟେରୀ ଚୋରି କେସ ନୟାପଲ୍ଲୀ ଥାନାରେ ଅଭିଯୋଗ ପରେ ବ୍ଯାଟେରୀ ଚୋରି ଗ୍ଯାଙ୍ଗର ପର୍ଦ୍ଦାଫାଶ କରିଛି କମିଶନରେଟ ପୋଲିସ ।
ସରକାରୀ କର୍ମଚାରୀ ବେଶରେ ସ୍ମାର୍ଟ ଚୋର
୨୫ଟି ବ୍ଯାଟେରୀ ଜବତ କରିଛି, ଯାହାର ଆନୁମାନିକ ମୂଲ୍ଯ ୨ ଲକ୍ଷ ହେବ । ଏହାସହ ଦୁଇଜଣ ଅଭିଯୁକ୍ତଙ୍କ ସହ ୨ ଜଣ ରିସଭରକୁ ଗିରଫ କରିଛି ପୋଲିସ । ସେମାନେ ହେଲେ ଚନ୍ଦନ ଦାଶ, ରାଜା ନାୟକ ଯେକି ଆଖଣ୍ଡଳବସ୍ତିର । ତେବେ ସେମାନଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ବିଶେଷ କରି ସେମାନେ ପ୍ରୋଜେକ୍ଟ ଚାଲିଥିବା ନଚେତ ରାସ୍ତା କଡରେ ଲାଗିଥିବା ମେସିନକୁ ଖୋଳି କାମ କରିବା ଆଳରେ ଚୋରି କରୁଥିଲେ ।