ଭୁବନେଶ୍ବର: କୋରୋନା ସଂକ୍ରମଣରେ ଜୁନ ମାସ ନିର୍ଣ୍ଣାୟକ ହୋଇଥିବାରୁ ଏହାର ମୁକାବିଲା ପାଇଁ ଅନେକ ଅଧିକାରୀଙ୍କୁ ଗୁରୁତ୍ବପୂର୍ଣ୍ଣ ଦାୟୀତ୍ବ ଦିଆଯାଇଥିବା କହିଛନ୍ତି ରାଜ୍ୟ ସରକାରଙ୍କ ମୁଖ୍ୟମୁଖପାତ୍ର ସୁବ୍ରତ ବାଗ୍ଚୀ । ସେ କହିଛନ୍ତି ଯେ ଅନେକ ସମୟରେ ସରକାରଙ୍କୁ ଏହାର ପରିବର୍ତ୍ତନ କରିବାକୁ ପଡେ । ଏହି ରଣକ୍ଷେତ୍ରକୁ ନୂଆ ଯୋଦ୍ଧା ନଆଣିଲେ ଅନେକ କ୍ଳାନ୍ତ ହୋଇପଡିବେ । ତେବେ ପ୍ରଶାସନିକ ଅଧିକାରୀଙ୍କ ଅଦଳବଦଳ ଗୁଜବକୁ ବିଶ୍ବାସ ନକରିବାକୁ ବାଗ୍ଚୀ ପରାମର୍ଶ ଦେଇଛନ୍ତି ।
ଅଧିକାରୀଙ୍କ ଅଦଳବଦଳ ଗୁଜବ ଉପରେ ବିଶ୍ବାସ ନକରିବାକୁ ବାଗଚୀଙ୍କ ପରାମର୍ଶ
ବାଗ୍ଚୀ କହିଛନ୍ତି ଯେ ସରକାରୀ ସ୍ତରରେ ଏଭଳି ଅଦଳବଦଳ ହୋଇଥାଏ । ଅନେକ ଅଧିକାରୀଙ୍କୁ ନିଜର ବିଭାଗୀୟ କାର୍ଯ୍ୟକୁ ହସ୍ତାନ୍ତର କରା ନ ଗଲେ ଅନେକ ମାତ୍ରାରେ କାର୍ଯ୍ୟରେ ବାଧା ଆସିବ । ରଣକ୍ଷେତ୍ରକୁ ନୂଆ ଯୋଦ୍ଧା ନ ଆସିଲେ ଅନ୍ୟମାନେ କ୍ଳାନ୍ତ ଅନୁଭବ କରିବେ । ସୋସିଆଲ ମିଡିଆରେ ଗୁଜବ ଉପରେ ବିଶ୍ବାସ ନକରିବାକୁ ସେ କହିଛନ୍ତି ।