ଭୁବନେଶ୍ବର:ଭାରତରେ ଅବସ୍ଥାପିତ ଅଷ୍ଟ୍ରେଲିଆ ହାଇକମିଶନର ଆଜି (ବୁଧବାର) କଳିଙ୍ଗ ଷ୍ଟାଡିୟମ ବୁଲିଛନ୍ତି । ଏହି ଅବସରରେ ସେ ଷ୍ଟାଡିୟମରେ ଥିବା କ୍ରୀଡା ବିଜ୍ଞାନ ଏବଂ ପୁନର୍ବାସ କେନ୍ଦ୍ର ବୁଲି ଦେଖିଥିଲେ । ଏହାପରେ ସେ ଓଡ଼ିଶା ଅଭିନବ ବିନ୍ଦ୍ରା ଟାର୍ଗେଟିଂ ପ୍ରଦର୍ଶନ କେନ୍ଦ୍ର ପରିଦର୍ଶନ କରିଥିଲେ । ଅଭିନବ ବିନ୍ଦ୍ରା ଟାର୍ଗେଟିଂ ପ୍ରଦର୍ଶନ କେନ୍ଦ୍ରର ମୁଖ୍ୟ ପ୍ରଦୀପ ପିଲ୍ଲେ ଅଷ୍ଟ୍ରେଲିଆ ହାଇକମିଶନରଙ୍କୁ ବାୟୋ ମେକାନିକ୍ସ ଓ ଆଥଲେଟଙ୍କ କୌଶଳରେ ଉନ୍ନତି ଆଣିବାକୁ ବ୍ୟବହୃତ ହେଉଥିବା ଉପକରଣ ଦେଖାଇଥିଲେ ।
ଏହାପରେ ସେ କଳିଙ୍ଗ ଷ୍ଟାଡିୟମରେ ଥିବା ହକି ହାଇ ପର୍ଫାମାନ୍ସ ସେଣ୍ଟର ବୁଲି ଦେଖିଥିଲେ । ଏଠାରେ ବହୁ ଅନ୍ତର୍ଜାତୀୟ ହିକି ମ୍ୟାଚ ଆୟୋଜିତ ହୋଇସାରିଛି । ଯେଉଁଥିରେ ୨୦୧୮ ବିଶ୍ବକପର ମ୍ୟାଚ ମଧ୍ୟ ସାମିଲ ରହିଛି । ୨୦୨୩ରେ ପୁନଃ ଏଠାରେ ବିଶ୍ବକପ ହକି ଆୟୋଜନ ହେବ । ଏହାସହ ଟାଟା ହକି ହାଇ ପର୍ଫାମାନ୍ସ ସେଣ୍ଟର ମଧ୍ୟ ବୁଲି ଦେଖିଛନ୍ତି ଅଷ୍ଟ୍ରେଲିଆ ହାଇକମିଶନର ।