ଭୁବନେଶ୍ବର: ଅଶାନ୍ତ ହେଲାଣି ରାଜଧାନୀ । ସକାଳ ହେଉ ଅବା ଦିନ ଦ୍ବିପହର କି ନିଶବ୍ଦ ରାତି , ଗଡୁଛି ମୁଣ୍ଡ ହେଉଛି ଆକ୍ରମଣ ଏବଂ ରାଜଧାନୀରେ ବଢୁଛି ଲୁଟପାଟ ପରି ଘଟଣା । ଆଜି ସକାଳ ସମୟରେ କ୍ୟାପିଟାଲ ଥାନା ୟୁନିଟ ୮ ଅଞ୍ଚଳରେ ବରିଷ୍ଠ ସାମ୍ବାଦିକ ସତ୍ୟ ସ୍ବରୁପ ଭଞ୍ଜଙ୍କୁ ମରଣାନ୍ତକ ଆକ୍ରମଣ କରିଛନ୍ତି ଦୁର୍ବୃତ୍ତ ।
ବରିଷ୍ଠ ସାମ୍ବାଦିକଙ୍କୁ ମରଣାନ୍ତକ ଆକ୍ରମଣ, ମୋବାଇଲ ଛଡାଇ ନେଲେ ଦୁର୍ବୃତ୍ତ ଆଜି ସକାଳ ସମୟରେ ସାମ୍ବାଦିକ ସତ୍ୟ ସ୍ବରୁପ ମର୍ଣ୍ଣିଂ ଓ୍ବାକ ଯାଇଥିବା ବେଳେ କିଛି ଦୁର୍ବୃତ୍ତ ତାଙ୍କ ମୋବାଇଲ ଲୁଟ କରିବା ପାଇଁ ଉଦ୍ୟମ କରିଥିଲେ । ଏହି ସମୟରେ ସାମ୍ବାଦିକଙ୍କୁ ଏକ ରଡରେ ମରଣାନ୍ତକ ଆକ୍ରମଣ କରି ତାଙ୍କ ଫୋନ ଛଡାଇ ନେଇଥିଲେ ଦୁଇ ଦୁର୍ବୃତ୍ତ । ତେବେ ଦୁର୍ବୃତ୍ତଙ୍କ ଆକ୍ରମଣରେ ସାମ୍ବାଦିକଙ୍କ ମୁଣ୍ଡରେ ଗଭୀର ଆଘାତ ଲାଗିଥିବାରୁ ତାଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
