ଭୁବନେଶ୍ବର: ଓଡିଶା ଆଇନଜୀବୀ କଲ୍ୟାଣ ପାଣ୍ଠି ବିଲ୍ ବିଧାନସଭାରେ ପାରିତ ହୋଇଛି । କୋଭିଡ୍-୧୯ ଯୋଗୁଁ ସରକାରଙ୍କ କଟକଣା ଫଳରେ କୋର୍ଟ କାର୍ଯ୍ୟ ପ୍ରଭାବିତ ହୋଇଛି । ଏହାସହ ଆଇନଜୀବୀମାନଙ୍କ ଜୀବିକା ଉପରେ ମଧ୍ୟ ବ୍ୟାପକ ପ୍ରଭାବ ପକାଇଛି । ନିକଟରେ ଉଚ୍ଚ ନ୍ୟାୟାଳୟ ଓ ରାଜ୍ୟ ବାର କାଉନସିଲ୍ ଦ୍ଵାରା ପ୍ରସ୍ତାବିତ ପରିକଳ୍ପନା ଅନୁସାରେ ଆଇନଜୀବୀଙ୍କୁ ଆର୍ଥିକ ସହାୟତା ପ୍ରଦାନ କରିବା ପାଇଁ ନିର୍ଦ୍ଦେଶ ଦେଇଛନ୍ତି ।
ଏହାକୁ ଆଖି ଆଗରେ ରଖି ଆଇନଜୀବୀଙ୍କୁ ଆର୍ଥିକ ସହାୟତା ପାଇଁ ପାଣ୍ଠି ଗଠନ କରିବା ସହ କୌଣସି ବିଧିସମ୍ମତ ସୁତ୍ରରୁ ଆର୍ଥିକ ସହାୟତା ଯୋଗାଇଦେବାକୁ ରାଜ୍ୟ ସରକାରଙ୍କୁ କାରଣ ଦର୍ଶାଅ ନୋଟିସ ଦେଇଥିଲେ । ଏହାକୁ ଭିତ୍ତିକରି ଓଡିଶା ଆଇନଜୀବୀ କଲ୍ୟାଣ ପାଣ୍ଠି ଅଧିନିୟମ ୧୯୮୭ ଅନୁଯାୟୀ ଗଠିତ ଆଇନଜୀବୀ କଲ୍ୟାଣ ପାଣ୍ଠିରୁ, ଅଭାବୀ ଆଇନଜୀବୀଙ୍କୁ ଅର୍ଥ ପ୍ରଦାନ କରିବା ପାଇଁ ଅର୍ଥ ବିଭାଗ ଆର୍ଥିକ ସହାୟତା ଯୋଗାଇଛନ୍ତି ।