ଭୁବନେଶ୍ବର: ଆଉ ବୃଦ୍ଧି ହେବ ନାହିଁ ସର୍ବକ୍ଷମା ଆବେଦନ । ଦୁଇଟି ପର୍ଯ୍ୟାୟରେ ସରକାର 2 ଥର ବୃଦ୍ଧି କରିସାରିଛନ୍ତି । ସର୍ବକ୍ଷମା ଆବେଦନର ଆଜି ଶେଷ ଦିନ । ତେଣୁ ଆଉ କିଛି ଦିନ ବୃଦ୍ଧି ପାଇଁ ବିଧାନସଭାରେ କଂଗ୍ରେସ ବିଧାୟକ ଦଳନେତା ନରସିଂହ ମିଶ୍ର ଦାବି କରିଥିଲେ ।
ବୃଦ୍ଧି ହେବ ନାହିଁ ସର୍ବକ୍ଷମା ଆବେଦନ : ନଗର ଉନ୍ନୟନ ମନ୍ତ୍ରୀ
ନରସିଂହଙ୍କ ପ୍ରଶ୍ନର ଉତ୍ତର ଦେଇ ବିଭାଗୀୟ ମନ୍ତ୍ରୀ ପ୍ରତାପ ଜେନା କହିଛନ୍ତି ସର୍ବକ୍ଷମା ବୃଦ୍ଧିର କୌଣସି ଯୋଜନା ନାହିଁ । ଲୋକଙ୍କୁ ପର୍ଯ୍ୟାପ୍ତ ସୁଯୋଗ ଦେଇଛୁ । ପ୍ରଥମେ ଫେବୃୟାରୀ ପର୍ଯ୍ୟନ୍ତ ଥିଲା । ପୁଣିଥରେ 15 ଦିନ ବୃଦ୍ଧି କରାଯାଇଛି । ଫଳରେ ଆଉ କିଛିଦିନ ବୃଦ୍ଧି କରିବାର ପ୍ରଶ୍ନ ଉଠୁନାହିଁ ବୋଲି ମନ୍ତ୍ରୀ ସ୍ପଷ୍ଟ କରିଛନ୍ତି । ଏଣିକି ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ମନ୍ତ୍ରୀ ।