ଭୁବନେଶ୍ବର: ବୃଦ୍ଧ ମହିଳାଙ୍କ ଠାରୁ ଲୁଟପାଟ୍ । ଚୋରଙ୍କ ଚାଲାକିରେ ଫସିଗଲେ ନିରୀହ ବୃଦ୍ଧା । ଏକୁଟିଆ ଦେଖି ଠିକଣା ପଚାରିବା ବାହାନାରେ ଝାମ୍ପି ନେଇଗଲେ ସୁନା ଚେନ । ଏଭଳି ଛିନତାଇର ଶିକାର ହୋଇଛନ୍ତି ବାଲିପାଟଣା ଥାନା ଅଞ୍ଚଳର ଗିରିଶର ମହାନ୍ତି ସାହିର ୭୦ ବର୍ଷିୟ ବୃଦ୍ଧା।
ଠିକଣା ପଚାରିବା ବାହାନାରେ ଲୁଟ
ଲୁଟର ଶିକାର ହୋଇଥିବା ବୃଦ୍ଧା ଜଣକ ହେଲେ ବାସନ୍ତି ମହାନ୍ତି । ବାସନ୍ତୀ ନିଜ ପଡୋଶୀଙ୍କ ଘରକୁ ଯାଉଥିବା ବେଳେ ରାସ୍ତାରେ ଜଣେ ମାସ୍କପିନ୍ଧା ଯୁବକ ଜଣକ ବୃଦ୍ଧାଙ୍କୁ ଏକ ଠିକଣା ସମ୍ପର୍କରେ ପଚାରିଥିଲେ। ତେବେ ମହିଳା ଜଣଙ୍କ ତାଙ୍କୁ ଠିକଣା ସମ୍ପର୍କରେ କହିବା ବେଳେ ହଠାତ ଦୁର୍ବୃତ୍ତ ଜଣକ ବୃଦ୍ଧାଙ୍କ ଠାରୁ ବେକରୁ ୧୫ ଗ୍ରାମର ସୁନା ଚେନ ଝାମ୍ପି ନେଇଥିଲେ ।